SERCHHIP-A ANTI-CORRUPTION DAY HMAN DAN TUR REL A NI


Serchhip: 30th November, 2012: Vawiin chawhma dar 10:30 khan Serchhip District Additional D.C. Pu Lalsangliana hovin a pisa ah December ni 10, 2012 a “International Anti-Corruption Day” hman dan tur relin Serchhip khawchhunga Zirna In High School chin chunglam hotute, tlawmngai pawl hrang hrang leh MJA aiawhte an thukhawm.

Vawiin rorel thuchhuakah chuan December ni 10, 2012 hian Serchhip DC’s Conference Hall-ah “Anti-Corruption Day” pual hian inkhawm neih tur a ni a, programme pawh mumal taka duan nghal a ni.

“Anti-Corruption Day” pualin High School leh Higher Secondary School zirlaite’n December ni 4, 2012 hian Serchhip DC meeting room-ah Mizo tawngin “Hlemhletna in khawtlang nun a nghawng dan” tih leh Sap tawngin “Corruption and its impact on society” tih thupui hmangin Essay an inziah siak dawn a, College zirlaite tan Mizo Tawng leh Sap tawngin Debate a inelna December ni 10, 2012 “Anti-Corruption Day” hian neih ani bawk ang, December ni 3 – 8 inkara Serchhip-a chanchinbu chhuaka Hlemhletna do lampang hawi Article ziak tha zual pathum thlan chhuah an ni bawk ang. December ni 10 a “Anti-Corruption Day” puala inkhawm neih anih hunah heng intihsiakna hrang hranga a ti tha thlanchhuahte hnenah hian lawmman hlan an ni ang. Corruption dona lam hawi puanzar (banner) Mizo tawng leh Sap twang ziak chu Serchhip khawlaiah tar tura ruahman a ni bawk a, “Anti-Corruption Day” hmanna tur a senso atan hian Mizoram Sawrkar chuan Serchhip tan pawisa Rs. 75,000/- a ruahman a ni.

Source: DIPR, Serchhip