SERCHHIP DC OFFICE AH ‘NATIONAL UNITY DAY’ HMAN A NI


Serchhip, 30th October, 2015: Vawiin chawhnu dar 2:00 Serchhip DC Office Staff te chuan District Bawrhsap Dr. Lalrozama, IAS hovin Office tual zawlah National Unity Day an hmang.

He ni hi Sardar Vallaibhai Patel-a piancham denchhena hman niin, a ni tak hi ni 31 October niin sawrkar Office chawlh a nih avangin vawiin hian he hun hi hman a ni.

District Bawrhsap chuan thu sawiin India ram chu hnam hrang hrang leh sakhaw hrang hrang awmkhawmna hmun anih avangin a mi chengte chu inlungrual leh inpawh taka kan chen ho a pawimawh thu a sawi a. Thutiam (Pledge) an sawi rual bawk a ni.

Source: DIPR, Serchhip