TUIKUM CONSTITUENCY TAN CHHINGCHHIP AH VOTERS’ FACILITATION CENTRE HAWN THAR A NI


Serchhip 30th October, 2013: Vawiin chawhma dar 10:00 khan Serchhip District Election Officer Pi Juhi Mukherjee, IAS hovin a office chamber ah District chhunga sawrkar Department hrang hrang Head of Offices ten Mizoram inthlanpui lo awm tur atana Serchhip District inpuahchahna leh hmalak zel dan tur an sawiho.

Vawiin sawihona hunah hian District Election Officer chuan November ni 1, 2013 atangin Chhingchhip khua a AH&Vety Department Dispensary ah Tuikum Constituency tan Voters’ Facilitation Centre hawn anih tur thu a sawi a, Voters ten inthlan chungchanga an hriat tur te leh an hriatthiam loh te an zawhfiah theih bakah, Electoral Roll a an hming chuan leh chuan loh te an enfiah thei ang a, Electoral Roll a an hming leh EPIC a an hming inziah dan te a inmil lo emaw, EPIC tihbo/tichhiat palh vanga a duplicate siam tir ngai te tan dilna form he Voters’ Facilitation Centre atang hian a lakchhuah theih bawk ang.

Vawiina thukhawm hian November ni 1 a Serchhip- a Expenditure Observer lo zin tur lo dawnsawn dan tur te an sawiho a, a mamawh tur thil chi hrang hrang te engkim mumal taka ruahman fel sa thlap anih tawh thu report a ni. Hei bakah hian inthlan duty a State pawn atanga lo kal CRPF mi 360 vel thlenna tur leh an khawsak dan tur pawh sawiho a ni a, an ei leh in tur te, Electric power supply siam sak dan turte, tui thianghlim leh an nitin mamawh hrang hrang te leh thil pawimawh dang chi hrang hrang ngaihtuah ho a ni a; Department hrang hrang te hnathawh tur mumal taka ruahman fel niin an chanvo theuh te chak tak leh felfai taka hlen chhuak turin DEO chuan a ngen a, Inthlan hun leh Vote chhiar thlenga DC Office Complex cheibawl dan tur leh enkawl dan tur chi hrang hrang ngaihtuah ho niin ruahmanna mumal taka siam a ni a, Department hrang hrangte hnathawh tur ruahman fel a ni bawk.

Mizoram inthlanpui atana inbuatsaihna kawngah, District chhunga Sawrkar Department hrang hrang ten thawhhona tha leh inhriatthiam tawnna tha an neih theih nan, Sawrkar pisa kai ni apiangin chawhma dar 10:00 ah; Election chungchanga hmalak tawhna leh hmalak zelna tur te, harsatna an tawh te sawiho turin District Election Officer pisa ah sawrkar Department hrang hrang Head of Offices te hi an thukhawm thin a ni.

Source: DIPR, Serchhip