KHAWLAILUNGAH CLEANLINESS/SANITATION RALLY BUATSAIH


Serchhip, 30th January, 2016 : PHE Serchhip WATSAN Division hmalakna in Lok Sabha MP Pu CL Ruala'n Model Village a siam tura a thlan Khawlailungah tukin dar 7:00 khan faina inzirtirna beihpui thlakna peng pakhat "Cleanliness/Sanitation Rally" buatsaih a ni a, Zirlai leh Khawtlang mipui thahnem takin kawng zawhin Faina thutiam an tiam rual a ni.

Tukin Faina Kawngzawh tu te hi thuang hnih a kalin Dinthar Veng leh High School Veng atang kawng an zawh a, Khawlailung Kawnah intawkkhawmin inkhawm tawite buatsaih a ni a, he inkhawm hi Er. Lalhruaia, EE, PHED, Serchhip WATSAN Division in kaihruaiin Pu Hrangbawia, Village Council President, Khawlailung in fuihna thuchah a sawi a, Pu Samuel L. Ralte kaihhruaiin faina thutiam (pledge) mipui kalkhawm ten an tiam rual a, Cleanliness/Sanitation Rally a tel Sikul hrang hrang 8 hnenah leh Tlawmngai Pawl hrang hrang hnenah lawmman sem a ni bawk. PHED hian Khawlailung khua a hman tur bawlhhlawh bawm thahnem tak Khawlailung Village Water & Sanitation Committee hnenah an hlan nghal a ni.

Vawiin Cleanliness/Sanitation Rally hi Swachch Bharat Abhiyan kaltlanga buatsaih a ni.

Source: DIPR, Serchhip