SERCHHIP BAWRHSAP HOVIN KHAWLAILUNGAH NITHUM AWH PUBLIC INFORMATION CAMPAIGN KHARNA HUN HMANG


Serchhip, 30th January, 2016 : Nithum awh Sawrkar Laipuiin thuingthlang hmasawnna tura ruahmanna thar a siam te mipui hnena hrilhfiahna hun Public Information Campaign chu Khawlailungah vawiin khan kharna hun hman niin Serchhip District Bawrhsap Dr. Lalrozama, IAS chuan khuallian niin a hmanpui a, Khawlailung Vilage Council President Pu Thangbawia chu Khualzahawm atan hman a ni.

Khuallian District Bawrhsap chuan chuan mipui kalkhawm hmaah thu sawiin Serchhip District hmasawnna atana a thawhpui official te thahnemngaihna ah lawmawm a tih thu a sawi a, District leh khawtlang tana hna an thawhna ah mipuite tawiawmna a sawm nghal bawk a ni. Bawrhsap chuan Serchhip District ah Public Information Campaign vawi li lai mai buatsaih a ni tawh chu thil chhinchhiahtlak tak ni a a hriat thu sawiin mipuite pawhinan hlawkpui ngei a beisei thu a sawi bawk.

Khuallian chuan Serchhip District chuan faina chungchangah te, Electoral Participation chungchangah te, ziak leh chhiar thiam tam lamah te India ramah leh Mizorama hmingthatna a hlawh mek laiin thangtlawmna kan la nei a, a bik takin kangmei chungchangah leh nungcha humhalh kawngah tan kan lak nasat a ngaui em em a, ziak leh chhiar thiam tam berna District nih nen a inhmeh reng em tih chhut chiang turin mioui kalkhawmte a ngen a, lo hal a hun leh tan dawn tawh bakah khua a thal chho mek a, he hunah huian rm ti kang lo tur leh thing phun theilo pawhin a ding sa tichhe lo turin mipuite a ngen bawk a ni. Bawrhsap chuan nausen thi leh nu, nau chunga thi Serchhip District chhungah an tam em em thin a, Health Department in zirchiangin theihtawp chhuahin hma an la a, chu chuan rah tha chhuah tanin kum kalta chhung khan nu, nau chunga boral an awm loh bakah nausen thi pawh District dang aia sang filawr thin kha nasa takain a tlahniam ta a ni a ti a, hri danna la tha turin leh mithiamte thhurawn ngaipawimawh thin tura mipuite chahin sakhaw rinna thil avanga hri danna la duh lo an awm thin chu pawi a tih thu a sawi a, damdawi ei duh tho si in hri danna lak kan duh lo tlat thin hi kan inenfiah deuh a tul a ni a ti bawk.

Khualzahawm Pu Thangbawia, VCP, Khawlailung pawhin Public Information Campaign neih chhunga Sawrkar hotuten thil tha tam tak an hrilh te zirtirte chu vawng reng tura tan lak an tum thu leh chhawr tangkai ngei tura theihtawp chhuah an tum thu sawiin khawtlang mipuite ah taimakna leh tanrualna pe ngei se a duh thu a sawi bawk a ni.

Vawiin PIC kharna inkhawm hi Pu Andrew H Lalremruata, MIS, DIPRO, Serchhip in kaihruaiin Pu Mangjangam Touthang, Chairman, Core-Committee, PIC in inlawmna thu leh PIC nihphung sawifiahna hun a hmang a; Song & Drama Division, I&B Ministry ten Mizo Hnam Lam chi hrang hrang an en tir a, Pu Laldula Sailo, Nodal Officer, PMEGP, KVIC in lawmthu sawina hun hmangin hnu a khar a ni. Khawlailunga PIC neih mek hi mipuiin an hlut hle a, khaw thenawm Mualcheng, Sialsir, Hmunzawl, Chekawn leh Piler atang chhim tu thahnemtak an awm reng a ni.

PIC pual inkhawm neih zawh veleh hian khuallian hian Khawlailung Bazar Shed-a DAVP ten Exhibition an buatsaih chu a tlawh a, hemi hnu hian PIC neihna hmun pakhat Satellite Venue Piler khua tlawh lehin mipui hmaah thu a sawi a, Piler khua a Health & Family Welfare Department in Free Health Camp an buatsaih pawh a tlawh nghal bakah Piler khua a sawrkar hmalakna leh ruahmanna siam te a en nghal bawk.

Chawhnu lamah Session hnih buatsaih niin Sawrkar Laipuiin thingtlang hmasawnna tura ruahmanna a siam chi hrang hrangte inhrilhfiahna hun leh sawihona hun mipuite nen hman a ni a, Session khatna hi Pu R.Lalmuansanga, Secretary i/c Finance, Serchhip District MJA Member-in kaihruaiin PHE Department Official te leh Industry Department Official ten sawrkar Laipui ruahmanna thar chi hrang hrang zinga an Department hmalakna chanchin sawifiah in zirtirna hun an hmang a. Session hnihna hi Pu Zonunsanga Kawlni, MJA Member, Serchhip District-in kaihruai ve thungin Rural Development Department leh KVIC official ten an hmalakna chungchang mipuite hrilhhriatna leh hrilhfiahna hun an hmang thung a ni.

Source: DIPR, Serchhip