SERCHHIP DISTRICT VILLAGE COUNCIL DRAFT ELECTORAL ROLL, 2015 TARCHHUAH A NI


Serchhip, 30th January, 2015: Ruahman lawk angin vawiin khan kan hma lawka Village Council inthlanpui lo awm tura Serchhip District chhunga Assembly Constituency pathum (Serchhip, Tuikum leh Hrangturzo) a hman tur Draft Electoral Roll chu Serchhip District Election Officer Pi Juhi Mukherjee, IAS hriatpuina in tarchhuah a ni a, Draft Electoral Roll thar en duh chuan mahni bialtu ERO/AERO/VLO emaw, DC/DEO Office-ah en theih a ni.

Serchhip District chhunga Assembly Constituency pathuma Draft Electoral Roll dinhmun chu a tlangpuiin hetiang hi a ni:

(26) SERCHHIP CONSTITUENCY ah Village Council 16 awmin chenna In 4863 a awm a, Vote thlak thei 16,541 (mipa-7973, hmeichhia-8568) awmin Thenzawl East Village Council ah Vote nei (mipa leh hmeichhia) bakah chenna In a tam ber a; Vote nei 2471 (mipa-1212, hmeichhia-1259) awmin chenna In 777 a awm a, Vote nei (mipa leh hmeichhia) bakah Chhungkaw tlemna ber Village Council chu Neihloh niin Vote nei 210 (mipa-115, hmeichhia-95) awmin chenna In 55 a awm a ni.

(27) TUIKUM CONSTITUENCY ah Village Council 19 awmin chenna In 3800 a awm a, Vote thlak thei 14,797 (mipa-7361, hmeichhia-7436) awmin Chhiahtlang (Vanchengte telin) Village Council ah Vote nei (mipa leh hmeichhia) bakah chenna In a tam ber a; Vote nei 2814 (mipa-1379, hmeichhia-1435) awmin chenna In 705 a awm a, Vote nei (mipa leh hmeichhia) bakah Chhungkaw tlemna ber Village Council chu Hmawngkawn niin Vote nei 121 (mipa-60, hmeichhia-61) awmin chenna In 31a awm a ni.

(28) HRANGTURZO CONSTITUENCY ah Village Council 17 awmin chenna In 3981 a awm a, Vote thlak thei 15,056 (mipa-7484, hmeichhia-7572) awmin North Vanlaiphai Village Council ah Vote nei (mipa leh hmeichhia) bakah chenna In a tam ber a; Vote nei 2436 (mipa-1197, hmeichhia-1239) awmin chenna In 661 a awm a, Vote nei (mipa leh hmeichhia) bakah Chhungkaw tlemna ber Village Council chu Chekawn niin Vote nei 188 (mipa-97, hmeichhia-91) awmin chenna In 50 a awm a ni.

A zavaia khaikhawmin Serchhip District chhunga Assembly Constituency pathumah Village Council 52 awmin chenna In 12,644 a awm a, Vote thlak thei 46,394 (mipa-22,818, hmeichhia-23,576) an awm a ni.

Draft Roll tarchhhuah atanga paih tur emaw, siamthat tur nei te chuan veng tina Village-Level Officer (VLO) te hnen atangin Form 4 emaw Form 5 emaw hmangin dilna lakchhuah tur a ni a, February ni 2, 2015 atanga February ni 4, 2015 chhungin dilna form an lakchhuahna VLO te hnenah thehluh tur a ni a, a thar thunluh erawh dil theih ani tawh lo. Dilna te hi February ni 7, 2015 thleng enfel niin siamthat ngai te siamthat a ni ang a, February ni 9 leh February ni 14, 2015 chhungin Electoral Roll chhut a ni ang a February ni 16, 2015 ah Final Electoral Roll tarchhuah a ni ang.

Source: DIPR, Serchhip