SILAI CHI HRANG HRANG CHUNGCHANGA DISTRICT MAGISTRATE THUCHHUAH


Dated Serchhip, the 29th November, 2016: Serchhip District Magistrate Dr. Lalrozama, IAS chuan silai chi hrang hrang siam, hralh kawl leh midang pek chhuah chungchangah a hnuaia mi ang hian thupek a ti chhuak.

Rule 84 of Arms Rules, 2016 chuan silai chi hrang hrang, Air Rifle leh Air Gun te tiamin phalna nei lova siam, hralh leh midang hnena pek chhuah a khap a. Chapter II of Arms Rule, 2016 in a sawi angin phalna pe theitu hnenah silaite hi siam, hralh kawl leh hman phalna dil tur a ni.

Chuvangin, kei, Dr. Lalrozama, IAS, District Magistrate, Serchhip District chuan Serchhip District chhungah phalna nei lova silai chi hrang hrang Air Rifle leh Air Gun tiamin siam, hralh, midang hnena pekchhuah leh hman khap tlat a ni tih ka puang a. He thupek bawhchhia chu dan angin an chungah action lak a ni ang.

Source: DIPR, Serchhip