ROAD SAFETY WEEK HAWNNA SERCHHIP AH NEIH A NI


Dated Serchhip, the 29th November, 2016: Road Safty Week vawi 36 na chu tukin zing dar 7:00 khan Zoram Drivers Union, Sub-Headquarters Serchhip huaihawtin Serchhip Bazarah hawnna hun hman a ni a, Pu B. Lalrinsanga, District Transport Officer chuan khuallian niin he hun hi a hman pui.

Khuallian chuan thu sawiin, Driverte himna tur mai ni lova, mi zawng zawng himna atana Road Safety Week buatsaih a ni thin chu lawmawm a tih thu a sawi a. Chutih rualin Driverten mipuite himna atan mawhphurhna sang tak an nei ani tih hre reng chunga lirthei khalh thin turin a chah a, Driving Licence leh lehkha pawimawh dangte a nung ngei nei chauhin lirthei khalh thin turin a chah bawk.

Road Safety Week hi chawlhkar khat atan mai ni lovin kumtluana mupuite kan kan him tlanna ni se a duh thu sawiin, Lirthei lo pung zelah mipuite himna ngaihtuah chungin Serchhipah pawh parking fee mumal taka lak tumin sawrkarin hma a lak mek thu a sawi.

He hun hi Pu T. Rosiama, Vice President, Zoram Drivers Union, Sub-Headquarters Serchhip chuan a kaihruai a, lirthei khaltu mi engemaw zat telin, ZDU member damlo leh harsatna tawkte tanpuina sumtuak nan lirthei a tar tur Road safety week Car flag an siam chu an zuar chhuak nghal bawk.

Source: DIPR, Serchhip