LEGAL METROLOGY DEPARTMNET IN FOREIGN CIGARETTE THAHNEM TAK AN MAN


Serchhip, 29th June, 2016 : Nimin ni 28th June, 2106 tlai khan Legal Metrology Department Serchhip te chuan Chekawn khuaah Foreign Cigarette V (Valiant) leh Farstar Bawm 1000 an man.

Heng Cigarette neitu hi Pi Miaungi(58) Tahan niin, Tuichangral khaw hrang hrangah Foreign Cigarrette hi a semdarh thin a, Legal Metrology Department thawktute hian Chekawn khuaah manin, sawrkarin a phal loh thilte hi zuar tawh lo turin an hriattir nghal a ni. Nimina Cigarette man te hi Farstar (Carton 42) leh V (Valiant)(Carton 58) niin, Ciggarettes and Other Tobacco Product (COPTA) Act, 2003 leh The Legal Metrology Act, 2009 hmanga man a ni a, heng Cigarettes man te hi Bazar rate ah Rs. 32100/- man a ni.

Legal Metrology Department Serchhip te hian Package Comodity Act, 2009 (Section 6,7,8,&20) hmangin Foreign thil, a bikin Ciggarette bawma printed price chuanglo leh India sawrkar hriatpui loh thil reng rengte dapchhuah hna ngawrh takin an thawk thin a. Ciggarette bawma hriselna atana a pawi thu ziakna (Health Warning) awmlo te leh dawra zawrh chhuah chungchangah dan angin theihtawpin hma an la thin ani. Legal Metrology Department, Serchhip hian Anti Tobbacco Squad, Serchhip nena tangkawpin Serchhip khawpui leh District chhung khaw hrang hrangah Dan in a phalloh Cigarette zawrhte dapchhuah hna an thawk thin a, dan phalloha Cigarette zawrh thahnem tak man tawhin, dan angin an lo tiral tawh thin a ni.

Source: DIPR, Serchhip