SHELTER FOR URBAN HOMELESS (SUH) AMENDED GUIDELINES CHUNGCHANG ZIR HO


Dated Serchhip, the 29th March, 2017: Nimin atanga tan Urban Development & Poverty Alleviation Department hnuaia Scheme kalpui mek, National Urban Livelihood Mission (NULM)[dot]component pakhat Shelter for Urban Homeless (SUH) Amended Guidelines zir chianna leh zir hona chu vawiin hian DLAO Coference Hall-ah neih chhunzawm niin, tluang taka zawh fel a ni.

He training-ah hian Shelter for Urban Homeless (SUH) atanga mi chanhaite leh chenna in leh lo neilo “Homeless” te tana chenna in buatsaih sak leh chhawmdawlna hrang hrang an dawn theih dante zir ho a ni.

Pu Lalfakawma Chhakchhuak, District Project Officer (DAY-NULM) Urban Development & Poverty Alleviation Department, Serchhip chuan NULM hmalakna hrang hrangte sawiin, Serchhip khawpui chhunga chhawmdawlna In hrang hranga tanpuina pek an nih tawh dante a sawi a. Tunah hian Serchhip P & E vengah cheng nuai 20 leh sang 8 senna tur ‘Shelter’ sak mek anih thu leh mikhual thlenna tur neilo te tana thlenna tur ‘Dharamsala’ pawh sak thuai theih tura hmalak mek anih thu a sawi bawk.

Sawrkar hian Shelter for Urban Homeless (SUH) hi a ngaipawh hle a ni a ti a, mi hnuaihnung zawk ten chenna in an neih ngei theih tan theihtawp a chhuah mek zel niin, chenna in neilote tana chenna tur atan building awm sa sak belh emaw, ram ruak remchangah he scheme hnuaiah hian In sak sak theih an ni a ti.

He training ni hnih chhung neihah hian Serchhip khawpui chhunga chhawmdawlna In hrang hrang enkawltute, Shelter Management[dot]committee (SMC) te leh District Execuive[dot]committee te an tel a ni.

Source: DIPR, Serchhip