DAN PHALLOH VAIHLO LEH A KAIHHNAWIH THIL MAN


Dated Serchhip, the 28th March, 2017: Vawiin hian Food & Drugs Administration leh Anti-Tobacco Squad Serchhip District te chuan Joint Operation neiin New Serchhip leh a chhehvela dawr te an enfiah.

He Joint Operation ah hian Gutkha, Pan Masala, Zarda, vaihlo leh nicotine telna eitur zawrh phal loh zuar an awm leh awmloh endik ani a, dan phal loh thil - S10- pack 1094, Rajnigandha- pack 88, Sikhar- pack 99 leh S1- pack 180 te chu mansak niin zuar nawn tawh lo turin leh dan in a phalloh hriselna tichhe thei zuar lui lo turin an ngen nghal. Heng an thil mante hi dan anga tih ral tura dah that rih a ni.

Mizoram Sorkar-in Gutkha products zawrh khapna (Notification) hi ni 22nd August, 2012 khan a lo tichhuak tawh a. Ni 28th May 2015 khan Gutkha products siam chhuah, semdarh leh kawl khapna (Notification)a lo tih chhuak leh bawk a ni.

Source: DIPR, Serchhip