SERCHHIP BAWRHSAP HOVIN NLUP LINE DEPARTMENT TE THUKHAWM


Serchhip, 28th January 2014: Serchhip District Bawrhsap Pi Juhi Mukherjee, IAS hovin vawiin chawhma dar 11:00 khan ama pisa ah District chhunga NLUP Line Department aiawhte an thukhawm a, NLUP kalpui dan tur leh District chhunga tun hnai kum nga chhunga Tlangram Lo Neih tih tlem kawnga hnathawk tha khua thlan chhuah dan tur te an sawiho a ni.

NLUP Implementing Board in tunhnai kum nga chhunga Tlangram Lo Neih tih tlem kawnga thawk tha khua te hnena Mizoram pum huap lawmman a siam turah Serchhip District atanga lawmman dil sak tur khua te thlanchhuah dan tur ngaihtuah ho a ni a, NLUP Line Department hrang hrang ten Serchhip District chhunga khaw hrang hrangte insemin an chanpual theuh te an tlawh chhuak ang a, Village Council hotute nen kum 2009 atanga kumin thlenga Tlangram Lo Neih tih tlem kawnga hma an sawn dan an endik hnu ah, February ni 15 ral hma in Bawrhsap hnenah report an thehlut ang. Bawrhsap hovin a titha zual khua 5 thlanchhuah ani ang a; heng khaw thlanchhuahte hming hi report kimchang nen NLUP Implementing Board ah thawn a ni ang. Endikna tura tehfung hman tur hrang hrangte pawh inhrilhhriat nghal a ni bawk.

NLUP Line Department ten NLUP Beneficiary te hmalak dan endikna tur ah Sawrkarin ruahmanna thar a siam anga Village-Level NLUP[dot]committee (VLNC) te nen a thawh ho tur anih tawh avangin leh khaw engemawzat ah he[dot]committee hi din ala nih loh avangin duh angin hma an la chak theilo tih an sawi a, Bawrhsap chuan January thla chhunga he[dot]committee hi khawtina din vek tur anih thu leh la din lo khua te pawh din nghal tura hrilh nawn leh an nih tur thu a sawi a ni.

Source: DIPR, Serchhip