FISH FARMER TRAINING


Dated Serchhip, the 27th April, 2017: Vawiin chawhma dar 11 khan Fisheries Department Serchhip District buatsaihin Hmar Veng YMA Hall-ah Sangha khawitute tan training buatsaih a ni.

Pi Zonuntluangi, District Fisheries Development Officer chuan thusawiin, Sangha khawi tuten tun aia tam zawk thar chhuak thei tura tan lak a tul tak zet a ni, a ti a. Sawrkar pawhin theih tawp chhuahin tanpuina chi hrang hrang a sem thin a, hengte hi anihna tur dik taka hmanga rinawm taka hna thawk turin kalkhawmte a fuih a. Hnathawk tha duh chu sawrkar pawhin tanpui a inhuam reng a ni a ti bawk.

He hunah hian Serchhip Circle huam chhung khaw pathum – Serchhip, Bungtlang leh Keitum khua atangin Sangha khawitu mi 80 an kalkhawm a. Department mithiam ten zirtirna pe in, Sangha dil siam dan leh a hmun hmathlan dan turte, Sangha enkawl dan leh no neih tir dan turte leh hlawk zawka sangha thar chhuah anih theih dan turte an zirtir a, zawhna leh chhanna hun hman niin Sangha khawituten hlawkthlak an ti hle a ni.

Sangha khawitute hi an sangha dilte an tuaithar lehna tur Fish Farmer’s Development Agency (FFDA) tanpuina pawisa pek nghal an ni bawk a ni.

Source: DIPR, Serchhip