SERCHHIP DISTRICT POLICE TEN CRIME REVIEW MEETING NEI


Serchhip, 26th October, 2015 : Vawiin chawhma dar 10:30 khan Pu Lalringdika, MPS, Superintendent of Police, Serchhip hovin Serchhip SP’s Conference Hall-ah kum 2014-2015 (upto September, 2015) chhunga Serchhip District Crime Review Meeting neih a ni a, he Crime Review Meeting ah hian Addl SP Pu MS Dawngkima, MPS, leh Pu Lalchhuanawma Hnamte SDPO Serchhip bakah Serchhip District chhung Police Station hrang hrang (N.Vanlaiphai PS leh Thenzawl PS) atangin Investigation Officers te an tel a ni.

Superintendent of Police Pu Lalringdika chuan Serchhip SP hna a zawm hnua a hmasa ber atana “Crime Review Meeting” neihah hian Serchhip District chhunga Police Investigating Officers te chu thahnemngai taka hna an lo thawh tawhnaah lawmthu hrilhin, mihringte chu infuihthar a, intuaithar reng mamawh kan ni a ti a, taimakna, tumruhna leh thahnemngaihna nena tihtakzeta Police Officer tha ni tura bei zel turin a fuih a, Serchhip District chu Mizoram District hrang hrang te zinga District lian lo anih avangin Police Investigation Officers ten mahni duty huamchhung (Area) theuh bel/chiang taka an hriat chuan hnuchhui a awlsam lehzual dawn a ni a ti a, Investigation a chak zawk nan mobile phone leh social media dangte hmang tangkai thiam a tul thute sawiin, a ngaihna hre tan chuan Crime hi chhui chhuah theihloh tak tak a awm lo a ni a ti bawk.

Police Record a a lan dan in kum 2014 chhung khan Serchhip District ah IPC hnuaiah case 97 registered niin chargesheet 83 siam a ni a, convicted 21 an awm. IPC nilo Local & Special Law (Arms Act,ND&PS Act,MLTP/MLPC Act leh POCSO) hnuaiah case 8 registered niin chargesheet 8 siam a ni a, convicted 2 an awm a ni.

Kum 2015 September thla thleng khan IPC hnuaiah case 66 registered niin chargesheet 49 siam a ni a, convicted 9 an awm a, Local & Special Law (Arms Act,ND&PS Act,MLTP/MLPC Act leh POCSO) hnuaiah case 10 registered niin chargesheet 6 siam a ni a, convicted 1 a awm a ni.

Source: DIPR, Serchhip