LEGAL METROLOGY TEN MRP AIA SANGA THIL ZUAR MAN


Dated Serchhip, the 26th July, 2016: Vawiin hian Serchhip District Legal Metrology Enforcement Staff te chuan Serchhip Bazar ah Maximum Retailed Price ti danglam a, an thaichhiat hnua sticker an belhnan chunga Maximum Retailed Price lem ziah chawp hmanga bungraw zawrh dawr pakhatah an man.

Pu Lalsangzuala, Inspector, Legal Metrology Serchhip District chuan, bungrua engpawh mipuite hnena zawrh chhuah chi-ah Maximum Retailed Price lem siam emaw Maximum Retailed Price aia tova hralh hi Legal Metrology Act 2009, PC Rules Section 2 & 5 kalh a ni a, chutiang mi man chhuah te chu Rs 2000 thleng chawi tir theih niin tinawn an awm phei chuan hei aia nasa zawka hrem theih an nih thu a sawi a. Danin a phal sak angin chungtiang tih chingte chu man thei turin Legal Metrology Officer chu thuneihna pek a ni, a ti bawk.

Pu Lalsangzuala, Inspector, Legal Metrology Serchhip District hian Serchhip District chhunga mipuite hnena bungraw hralha sumdawng thinte chu hetiang dan kalha chetna lakah fihlim tura ngenin, chutiang tih ching an awm anih chuan anmahni dawrtu mipuiten an thil leina Cash Memo thil tela Legal Metrology Officer hnena ziaka thehlut thin turin a ngen a. A Complaint tu hming leh nihna te chu thup sak tlat an nih thin tur thu a sawi bawk.

Source: DIPR, Serchhip