KHAWLAILUNGAH ANIMAL HEALTH CAMP NEIH A NI


Dated Serchhip, the 26th July, 2016: Vawiin hian Pu CL Ruala, MP Lok Sabha-in Model Village atana a thlan Khawlailung khuaah AH & Vety Department Serchhip leh North East Initiative Development Agency ( NEIDA) te hmalakna in ran vulhtu te tan Awareness Campaign cum Animal Health Camp neih a ni.

He hunah hian Dr. H. Vanlalrawna, Veterinary Officer, Serchhip leh Dr. Rosangzuala, Veterinary Officer, N. Vanlaiphai te chuan ran vulhtu kalkhawmte hnenah ran enkawl dan leh ran natna hrang hrangte zirtirna an pe a, a bik takin PRRS chungchang sawi hona an nei a ni. Dr. James Lalthansanga, Programme Officer, NEIDA leh Dr. Nancy Laldinpuii, Senior Project Associate, NEIDA ten ran chaw chungchang leh Vawk vulh dan tha chungchang an zirtir bawk.

Hemi hnu hian Animal Health Camp neih chhunzawm a ni a, ran 160 chuang zet entir niin, Ui 30 chu ui-a hri danna ARV-a chiu an ni a, ran damdawi chi hrang hrang a thlawnin an sem nghal a ni.

He hun hi Dr. Lalnghinglova, District AH & Vety Officer, Serchhip chuan kaihruaiin hetianga Awareness Campaign cum Animal Health Camp hi khawdangah pawh neih chhunzawm zel an tum thu a sawi a, kan rama ran vulhtuten him dam tak leh hlawk taka ran an vulh theih nan theihtawpin kan tanpui thin dawn ani, a ti.

Khawlailunga Animal Health Camp cum Awareness Campaign hi mipuiten an hlut hle a ni.

Source: DIPR, Serchhip