SERCHHIP-AH DISTRICT LEVEL HORTICULTURE CROP EXHIBITION KHAR A NI


Serchhip 26th April, 2013: Divisional Horticulture Officer, Serchhip buatsaih nihnih awh “Serchhip District-Level Horticulture Crop Exhibition” kharna leh Lawmman semna hun vawiin chawhnu dar 2 khan New Serchhip YMA Hall-ah hman a ni a, Pu Lalsangliana, MCS Additional Deputy Commissioner, Serchhip District-in khuallian niin a hmanpui a, lawmman a sem nghal bawk a ni.

Serchhip District-Level Horticulture Crop Exhibition hi Horticulture Department bul tumin neih a ni a, Exhibition atana senso hi Sawrkar laipuiin Agriculture Department kaltlanga scheme a siam Agriculture Technology Management Agency (ATMA) in a tum thung a ni. Kumin Horticulture Exhibition ah hian thlai thar chi hrang hrang (Crop items) 22 ah leh pangpar khawitute tan lawmman siam a ni a, Serchhip District chhung hmun hrang hranga loneitu mi 100 chuang zetin an thlai tharte an pholang a ni.

Vawiin lawmman sem inkhawmah hian thlai thar entirsiakna a ti tha category hrang hrang ami te hnenah lawmman siam a ni a, pakhatna in Rs. 1000/-, pahnihna in Rs. 700/- leh pathumna in Rs. 500/- an dawng a, midang zawng hnenah Consolation prize Rs. 300/- theuh pek an ni bawk. Crop category hrang hrangah hian thlai thar entir tu pathum chin awmnaah lawmman pakhatna atanga pathumna hi siam a ni a, pathum awm tling lo ho chu consolation prize pek an ni thung a ni.

Vawiin lawmman sem inkhawmah tho hian ATMA buatsaihin Serchhip District chhunga Block pahnih-Serchhip leh East Lungdar Block huam chhunga Sawrkar Department hrang hrang hnuaia thawk tha “Best Farmer Award” leh “Best Group Award” sem nghal a ni a, lawmman dawngtute chu:

Best Farmer Award
Sericulture Department : R. Lallunghnema (Serchhip Block)
Horticulture Department : Zemawia (Serchhip Block), C.Lalhranga (East Lungdar Block)
Fisheries Department : Lalramliana Sailo (Serchhip Block)
Soil & Water Conservation Deptt : H. Ngurkhuma (Serchhip Block), Tlanghmingthanga (East Lungdar Block)
A.H. & Vety. Department : K.Lalrammawia (Serchhip Block), K. Sangviala (East Lungdar Block)
Agriculture Department : T. Bualzika (Serchhip Block), C. Sapliana (East Lungdar Block)

Best Group Award hi East Lungdar Block a Pig Rearing Group-I hnenah hlan a ni bawk.

Best Farmer te hian tangkafai Rs. 10,000/- theuh leh Citation an dawng a, Best Group hian tangkafai Rs. 20,000/- leh Citation an dawng bawk a ni. District Level Horticulture Crops Exhibition kharna inkhawm hi Pu Lalhmangaiha, DHO, Serchhip Division in a kaihruai a, Pi Zorinsangi ADHO in Technical report a pe a, Pu H.Lalduailova, HD in lawmthu sawiin hun a khar a ni.

Source: DIPR, Serchhip