SERCHHIP-AH NI HNIH AWH DISTRICT-LEVEL ATMA EXHIBITION NEIH A NI


Serchhip, 26th February, 2015: Agriculture Technology Management Agency (ATMA), Serchhip Distict buatsaih ni hnih awh tur District Level Exhibition (Kissan Melas) chu Serchhip Bazar chungah vawiin atangin neih tan a ni a, vawiin chawhma dar 11:00 khan Pu James Lalsiamliana, Distict Agriculture Officer, Project Director ATMA, Serchhip District ni bawk chuan a hawng a ni.

He Exhibition ah hian Agriculture & Allied Department hrang hrang - Agriculture, Horticulture, Fisheries, Industries, AH&Vety, Sericulture, Soil & Water Conservation ten Stall (Dawr) siamin, anmahni Department hnuaia kuthnathawktute thlai thar chi hrang hrang leh thil thar dangte bakah kuthnathawktu ten thlai an enkawlna atana pawimawh damdawi leh khawl chi hrang hrang pho chhuah a ni. Heng Line Department bakah hian KVK , N. Vanlaiphai, Baktawng Aloe Vera Growers Society, Serchhip Industrial Cooperative Society, Rb.H General Enterprise, Elysian Enterprise, Johnson Diesel Sales & Services, Aizawl, Pui Pui & RT Enterprise, Serchhip leh Mizoram Florist Association, Serchhip Branch ten kut hnathawktute tana tangkai tur khawl, leitha leh damdawi te an pho chhuak a, Kuthnathawktute thar chhuah chi hrang hrang te hi man tlawm zawka lei theih engemaw zat an awm a, Exhibition hi mipui ten an hlut hle a ni.

He Exhibition ah hian Best Stall thlan niin, King & Queen of the show pawh thlan a ni bawk-

Best Stall
1st Prize - Fisheries Department.
2nd Prize - Horticulture Department.
3rd Prize - Agriculture Department.

King of the Show - Turkey (Sai ar)
Queen of the Show - Sangha (Cyprinus carpio)

Naktuk February ni 27, 2015 chawhnu dar 2:00 ah ATMA Exhibition hi Serchhip Bawrhsap, District ATMA Governing Board Chairman ni bawk Pi Juhi Mukherjee IAS in a khar ang a, lawmman dawngtu hrang hrang leh ATMA hnuaia Best Farmers lawmman semna neih a ni bawk ang.

Source: DIPR, Serchhip