SERCHHIP BAWRHSAP HOVIN “INTERNATIONAL DAY OF PERSONS WITH DISABILITIES, 2014” HMAN DAN TUR REL


Serchhip, 25th November, 2014: Vawiin chawhma dar 10:00 khan Serchhip District Bawrhsap Pi Juhi Mukherjee, IAS hovin a pisa ah December ni 3, 2014 a Khawvel pum huap “Rualbanlote Ni” hman dan tur rel ho a ni.

Department sawmbik te hnenah Bawrhsap chuan Social Welfare Department atangin Rualbanlote Ni hmang tura ngenna an dawn thu leh hemi atana sum ruahman a awm siloh vanga harsatna awm te a sawi a, Department hrang hrang ten Rualbanlote pual anih vangin he Ni atan hian sum leh tha thawhkhawm a a hlawkthlak thei ang bera hman an rel a ni.

Rualbanlote Ni hi Serchhip DC Office, CDPO Office leh SSA Mission tangho in an huaihawt dawn a, New Serchhip YMA Hall-ah December ni 3, 2014 chawhma dar 11:00 ah tan tur a ni ang a, Shalom Special School naupangte’n an kutchhuak thil chi hrang hrang an pholang ang a, a duh apiang tan a lei theih dawn a ni. Hei bakah hian thupui thlanbik hmanga mithiamte paper buatsaih zirho a ni ang a, panel discussion neih a ni bawk ang.

Source: DIPR, Serchhip