SERCHHIPAH AH & VETY DEPARTMENT-IN NLUP SEM


Dated Serchhip, the 25th August, 2016: Vawiin chawhma dar 11 khan AH & Vety Serchhip District chuan P&E Veng YMA Hall-ah an Department hnuaia Vawk vulh thlangtute hnenah NLUP 3rd & 4th Phase a thawhkhatna an sem.

He hun hi Dr. Lalmakthanga, DFDO chuan kaihruaiin, tanpuina dawngtute chu an sum dawn hmanna tur dik taka hmang tura chahin tun tuma an sum dawn hmang hian vawk in sak tur a ni a, an hma laknate enfiah sak an nih hnuah vawkte man turte leh tul dangte pawh la pek belh zel tur an nih thu a sawi.

Vawiin hian Serchhip Cluster-ah Serchhip, Hriangtlang, Keitum, Bungtlang leh Thenzawlah te sem a ni a. Tuikum Cluster-ah Chhingchhip, Khawbel, Hmuntha, Hualtu leh Thentlang ah te sem niin, Hrangturzo cluster-ah E. Lungdar, Sailulak leh Biateah te sem a ni bawk. Tanpuina sum hi sem hmasaka Rs. 10000 lo dawng lawk tawhte hnenah Rs. 28000 theuh pek niin, la dawng ve lo te hnenah Rs. 38000 theuha pek niin, chhungkaw 152 hnenah tanpuina sum hi pek a ni.

Dr. H. Vanlalrawna, Veterinary Officer chuan vawk in sak dan tur chungchangte leh vawk vulh dan turte zirtirna a pe bawk.

Source: DIPR, Serchhip