SERCHHIP-AH WORKSHOP ON ELECTRICITY CONSUMERS’ AWARENESS NEIH A NI


Serchhip, 24th October, 2014: Vawiin chawhnu dar 1:00 khan Serchhip DC’s Conference Hall- ah Serchhip Power Division, P&E Department leh Joint Electricity Regulatory[dot]commission (JERC) for Manipur and Mizoram tangkawp buatsaihin Workshop on Electricity Consumers’ Awareness neih a ni.

He workshop hi Pu Richard Zothankima,Assistant Secretary, JERC (M&M) chuan a kaihruai a, Pu A.Chhawnmawia, IDES (rtd), Member, JERC (M&M) chuan thu sawiin Electricity Regulatory[dot]commission hi Electricity Act, 2003 Section 82 in India ram State zawng zawngin a neih tur a tih angin, Mizoram leh Manipur state tan pawh kum 2005 khan Joint Electricity Regulatory[dot]commission hi din a ni a ti a, he[dot]commission hi power sector reform siamthatna atana ruahmanna a ni a, stakeholder zingah consumer te a dah pawimawh ber a ni tih sawiin. Mipuiten kawlphetha kan pawh ruk hian Power & Electricity Department ta kan ruksak ni lovin keimahni leh keimahni kan inrawk a ni a ti.

Er. Lalchharliana Pachuau hnen atangin kawlphetha pawt tu mipuiten an hriat tur thil pawimawh chi hrang hrangte bakah Electric Connection tih dawna fimkhur a tul dan leh Dan leh Hrai zawm ngai te bakah lungawilohna thlen dan tur te ngaihthlak a ni a, Er. F. Lalrinpuia, S.E., hnen atangin Mizoramin Kawlphetha a chawkluh dan leh a hman dan chipchiar taka zir anih bakah Serchhip District chhunga Sub-Station pathum te hnathawh dan ngaihthlak a ni a, Er. Thanthianga, Assistant Chief Engineer, JERC (M&M) hnen atang Electric Bill bithliah/bituk dan kalphung ngaihthlak a ni bawk. Er. Lalchharliana Pachuau in Interactive Session kaihruaiin zawhna leh chhanna hun hman a ni bawk.

Source: DIPR, Serchhip