SERCHHIP-AH DISTRICT LEVEL VIGILANCE AND MONITORING[dot]comMITTEE NEIH A NI


Serchhip, 24th October, 2014: Vawiin chawhma dar 11:00 khan Serchhip DC’s Meeting Room ah Serchhip District Level Vigilance and Monitoring [dot]committee neih a ni a,[dot]committee Chairman Pu C.L.Ruala, Lok Sabha M.P., Co- Chairman Pu Ronald Sapa Tlau, Rajya Sabha M.P., Er. Lalrinawma MLA (Tuikum Constituency) ten he hun hi an hmanpui a, Sawrkar Laipuiin District chhung hmasawnna hna a ruahman chi hrang hrangte kalpui anih dan leh hmasawn dan chi hrang hrangte thlir ho a sawiho a ni.

Vawiin meeting ah hian Serchhip District chhunga Sawrkar Laipuiin hmasawnna hna thawh tur a ruahman hrang hrang MGNREGS, IWMP, NRLM, NSAP, ARWSP, TSC/NBA, PMGSY leh RGGVY kaltlanga hnathawh kal lai mek leh hmasawn dan te thlirho a ni.

DRDA kaltlanga hnathawh zing ami MGNREGS hnuaiah kum 2014-2015 kum kal mekah hian Serchhip District ah ni 3 chhung inhlawhna siam anih tawh thu report a ni a, tunah hian Sawrkar Laipuiin ni 6 dang inhlawhna tur a rawn siam belh leh tawh thu dawn a ni bawk. Kum 2014-2015 chhung atan Serchhip R.D. Block huam chhungah Job Card 11184 pek chhuah a ni a, E.Lungdar R.D. Block huam chhungah Job Card 3434 pek chhuah a ni bawk.

IAY hnuaiah kum 2014-2015 chhungin Serchhip District ah In 57 sak phalsak a ni a, IAY dawng tur thlan thu a Gram Sabha (khawtlang mipuite) hriatpui leh remtih tlanna ang zeal kal nise a that ber a rin thu Chairman hian a sawi a ni.

Integrated Wastelands Management Programme (IWMP) hnuaiah Serchhip District ah Project 5 awmin tunah hian Project thar pahnih IWMP-VI leh IWMP-VII neih belh anih dawn thu tarlan a ni.

Total Sanitation Campaign (TSC) hnuaiah tun sawrkar kum kal lai mekah School 13 (Serchhip R.D. Block – 11, E.Lungdar R.D Block – 2) leh Anganwadi Centre 12 (Serchhip R.D. Block – 6, E.Lungdar R.D Block – 6) ah inthiarna sak zawh tawh a ni.

National Social Assistance Programme hnuaiah Tar Pension (IGNOAPS) dawngtu mi 1549 (Serchhip R.D. Block – 893, E.Lungdar R.D Block – 656) an awm mek a, Tar pension la thar tura dilna 73(Serchhip R.D. Block – 41, E.Lungdar R.D Block – 32) a awm mek bawk a ni. Pension hi Bank kaltlanga pek vek an ni.

Hmeithai Pension (IGNWPS) dawngtu mi 141 (Serchhip R.D. Block – 72, E.Lungdar R.D Block – 69) an awm mek bawk a, Rualbanlo tanpuina (IGNDPS) dawng mi 39 (Serchhip R.D. Block – 20, E.Lungdar R.D Block –19) an awm mek bawk.

E.E., PWD, Serchhip Division huamchhungah PMGSY Road 5 (Serchhip R.D. Block – 4, E.Lungdar R.D Block – 1) siam thawh mek a ni achungte chu Serchhip Block ah: Chhingchhip – Hmuntha Road (24.400 Km), Chhingchhip – Thentlang Road (12.800 Km), Hmuntha – Khawbel Road (19.950 Km), Chhingchhip – Hualtu Road (20.250 Km) a ni a, E.Lungdar Block ah : E.Lungdar – Sailulak Road (18.580 Km) te an ni.

Source: DIPR, Serchhip