SANGHA KHAWI ZIRTIR


Dated Serchhip, the 24th May, 2017: Serchhip District huam chhunga Sangha khawi inzirtirna beihpui thlak kal zelah vawiin hian Vantawng Group YMA Run, Thenzawlah Buangpui leh Thenzawl Circle huam chhunga Sangha khawitute tan Fisheries Department Serchhip District chuan Sangha khawi zirtirna an buatsaih.

Pi Zonunsangi, District Fisheries Development Officer chuan Sangha hi mihringte chaw tha a ni a, kum khat chhungin mi pakhatin sangha 13 kg tal ei thin kan mamawh a ni, kan mamawh phuhru zo tur erawh kan ramah kan la thar chhuah loh avangin Sangha khawituten tan kan lak zual sauh sauh a tul tak zet a ni, a ti. Lui dung sangha humhalh kawngah pawh tan lak zual zel a tul a, Vantawng Group YMA kutah Luidung Sangha humhalh kawnga hma lakna tur tanpuina sum pawh pek tawh niin an hmalakna te mipuiin thlawp tlat turin a ngen bawk a ni.

He hunah hian Fish Pond Construction & Management leh Breeding of Common Carp a lem nena entirin Fishery mithiam ten an zirtir a. Thenzawl Circle-a Fish Development Agency (FFDA) tanpuina dawngtute hmalak dan a hmunah kalin an endik nghal bawk a ni.

Source: DIPR, Serchhip