SERCHHIP-AH VILLAGE COUNCIL-TE RGPSA CHUNGCHANG ZIRTIR AN NI


Serchhip, 24th May, 2016 : Vawiin chawhma dar 10:30 khan State Institute of Rural Development, Mizoram, Kolasib bultumin DLAO Office Serchhip ah Serchhip RD Block huam chhunga Village Council te tan Rajiv Gandhi Panchayat Sashaktikaran Abhiyan (RGPSA) training buatsaih a ni.

He hun hi Pu Lalfakawma Chhakchhuak, MCS, DLAO Serchhip chuan a hawng a, thu sawiin sawrkarin sum tam tak sengin training a buatsaih thin a, heng sum tam tak hi a thlawna sen a nih lohna turin trainingtura kalte chu theihtawp chhuah turin a chah a. Training tura koh Village Council President, Secretary leh Treasurer te chuan trainingna a an hriat mai hi duhtawk lovin, an member puite leh mipuite zirtir chhawng thei tura tha taka ngaihtuahna seng turin a chah a, mipui rawngbawltu an ni a, an kal zel dan tur leh sawrkarin ruahmanna hrang hrang a siam te engtia kalpui tur nge tih zir thiam tura taima taka training turin a chah a ni.

RGPSA in a tum bulpui ber chu VC/elected bodies te hnena thuneihna zau zawk pek leh khawchhunga hna an thawhna tura ruahmanna an siam thiam theihna tura kaihhruai (Village Development Plan siam) a ni a, VC ten sum leh pai a tlem thei ang ber seng a khawtlang hmasawnna hna an thawh theihna tura kaihhruai hi RGPSA thupui ber pakhat a ni.

SIRD atang hian course team member pathum Pu Lalthanmawia Ralte, Faculty SIRD, Kolasib, Pu R. Vanlalmuanpuia, Faculty ETC, Thingsulthliah leh Pi Maria Ramdingliani, MRP ETC, Thingsulthliah ten zirtirna an pe a, Training hian ni May ni 27, 2016 (Zirtawpni) thleng a awh ang.

Source: DIPR, Serchhip