SERCHHIP-AH VILLAGE COUNCIL INTHLAN HUNA PRESIDING OFFICER LEH ASSISTANT PRESIDING OFFICER TE TAN TRAINING BUATSAIH


Serchhip, 24th April, 2015: April ni 30, 2015 a Village Council inthlan lo awm tura Serchhip District chhunga Presiding Officer leh Assistant Presiding Officer tura ruat te tan vawiin khan Serchhip DC Conference Hall-ah Training buatsaih a ni a, District Election Officer Pi Juhi Mukherjee, IAS chuan Training hawnna inkhawmah khuallian niin a telpui.

Pi Juhi chuan Presiding Officer leh Assistant Presiding Officer kalkhawmte hmaah fuihna thu sawiin inthlanna dik, felfai leh thianghlim buatsaih chu an mawhphurhna ber anih avangin fimkhur tak leh thahnemngai taka thawk turin a chah a, State Election Commission hnuaiah Deputation-a kal an ni tih inhre reng tur leh inthlanna Dan bawhchhiate leh bawhchhiat tum te lakah huai taka an mawhphurhna hlen turin a hrilh bawk. Tun bak hi Training na hun buatsaih anih tawh dawnloh vangin rilru zawng zawng pe a mahni inrintawkna nen Trainingna hmun an chhuahsan ngei a duhsak thu sawiin inthlan hma in kar khat dawn a la awm a, in lamah pawh inkaihhruaina bu an dawn te zirchiang a inbuatsaih chhunzawm reng turin a chah a, DC Office in Village Council inthlan vawikhat a buatsaihna tur anih vangin theihtawp chhuah pui turin a sawm a ni.

Vawiin Training hi thupui hrang hrang pathum hmanga then hran niin “Presiding Officers Handbook”chungchang Pu K. Laldinthara, HCA, LAD, Master Trainer hnen atang zirtirna dawn a ni a, Pi B. Malsawmtluangi, MCS, Master Trainer-in “The Mizoram (Election to Village Councils) Rules, 2014” chungchang zirtirna pe in Pu Lalnunfela Chawngthu, MCS, Master Trainerhnen atang Form Fill-up dan te, Model Code of Conduct leh PRO leh APRO te hman tur hmanraw chi hrang hrang hman dan zirtirna dawn a ni bawk. Session tinah hian zawhna leh chhanna hun hman zel niin hriatthiam loh leh hriatbelh ngaite inhrilhfiahna hun atan hman a ni.

Vawiin PRO & APRO Training hawnna hi Pu Lalhmansanga, MCS, Election Officer chuan kaihruaiin Village Council inthlan chu Democracy inrelbawlnaah a bulthut tak tak inthlan a ni a, a pawimawh hle a ni a ti a, PRO leh APRO te chu Returning Officer te thu leh hla ngaichang thin turin a chah bawk a ni.

Serchhip District chhunga Village Council inthlan neih turah hian Presiding Officer leh Assistant Presiding Officer 56 ve ve ruat an ni a, vawiinah Training ah hian inthlanna a hman tur mamawh hmanrua leh bungrua chi hrang hrangte pek nghal vek an ni bawk.

Source: DIPR, Serchhip