SERCHHIP DISTRICT MAGISTRATE-IN KHAPNA THUPEK A CHHUAH


Dated Serchhip, the 23rd May, 2017: Pi Sangchhin Chinzah, District Magistrate Serchhip District chuan Ran hri leng laka invenna atan a hnuai ami ang hian thupek a chhuah-

Aniamal Husbanday & Veterinary Department, Mizoram lehkha No. D.12016/14/2014-H&V dt.17.5.2017 ka dawn angin nipui alo thawt tan mek lai hian Vawk pul hri (PRRS) leh Ar pul hri (Bird flu) len a hlauhawm hle a ni. Serchhip District mipuite tan he hrileng avanga buaina/ harsatna a thlen loh nan-a lo invenna turin leh mipuite kan him zawk theih nan, Section 144 CrPc hmanga khapna thupek chhuah hi thil tul tak, tih loh theih lohah ka ngai a ni.

Chuvangin, kei, SANGCHHIN CHINZAH, MCS, DISTRICT MAGISTRATE ,SERCHHIP DISTRICT, SERCHHIP chuan Mizoram Sawrkar A.H & Vety Department hriattirna leh section 144 CrPc 1973 in thuneihna min pek angin Serchhip District huam chhungah mi tumahin ram dang (Foreign Country), a bik takin Myanmar atangin Vawk leh Vawksa atanga thil siam leh Ar leh Arsa atanga thil siam, natna hri pu lut thei ang chi reng reng an la lut tur ani lo tih thupek ka chhuah e.

He thupek zawm lo tu chu 188 IPC hmangin hrem an ni ang. He thupek hian Order chhuah atanga thla hnih chhung a huam ang.

Vawiin Ni 19th May, 2017 hian Court Seal leh ka kut ziak ngeiin ka nemnghet e.

Source: DIPR, Serchhip