AH& VETY. DEPARTMENT-IN KHAWLAILUNG-AH FREE ANIMAL HEALTH CAMP BUATSAIH


Serchhip, 23rd February, 2016 : Vawiin khan AH&Vety Department, Serchhip District buatsaihin BNRGSK Hall, Khawlailung-ah Awareness Campaign – cum - Animal Health Camp buatsaih a ni a, Lok Sabha MP Pu CL Ruala'n SAGY hnuaia Khawlailung khua model village a siam tura a thlan behchhana SAGY (MP Model Village) programme hnuaia he hun hi buatsaih a ni.

Awareness Campaign – cum - Animal Health Camp hi hun hnih ah then niin chawhma lamah ran enkawl dan chungchang inzirtirna hun (awareness campaign) hman a ni a; he hun hi Dr. Lalnghinglova, DVO, Serchhip District chuan kaihruaiin Pu Andrew H. Lalremruata, DIPRO, Serchhip in ran vulhtute fuihna htu a sawi a, Pu Lalnunzira Sailo, Khawlailung Village Council Vice-President khawtlang aiawh a thu sawiin; Dr. Biaklianzuali, V.O., Chhingchhip in Vawk leh Kel vulh leh enkawl dan zirtirna a pe a, Dr. Lalsanglien Ralsun, V.O., Serchhip hnen atangin Bawng leh Ar vulh dan tur dik zirtirna ngaihthlak niin hriatthiamloh leh hriatchian duh te inzawhfiahna hman a ni a, mihring ran vulh ten natna chin hrang hrang an kai theih dan leh hri noeng laka in ven dan tur te leh ran damlo enkawl dan tur te chipchiar taka zirho a ni bawk.

Chawhnu lamah a thlawna ran entirna hun buatsaih niin ran vulhte ran hridanna a chiu (mass vaccination) beihpui thlak nghal a ni a, Ui a hri danna ARV (Anti-Rabbies Vaccine) leh vawk pul hri danna SFV(Swine Flu Vaccine) te a thlawn a pek an ni a, khaw chhunga vawk vulh te pawh vawk inah kalchilh in hre danna pek an nih bakah ran enkawl dan inziahna bu a thlawnin sem a ni bawk. Vawiin a ran entir zawng zawng zat chu 160 niin Ui 60 leh Vawk 180 chiu an ni bawk. Khawtlang mipuiin he hun hi an hlut hle a, hetiang hun buatsaihtu AH&Vety Department, Serchhip District chungah Khawlailung khawtlang hruaitute an lawm hle a ni.

Naktip February ni 25, 2016 hian Rajya Sabha MP Pu Ronald Sapa Tlau-in model village a siam tura a thlan Chhiahtlang khua ah hetiang beihpui hi thlak leh a ni ang.

Source: DIPR, Serchhip