AIZAWL DISTRICT CHHUNGA RD BLOCK HRANG HRANGAH ZENG HRI DANNA PEK BEIHPUI THLAK A NI


Serchhip, 23rd February, 2016 : Vawiin khan India ram pum huap National Immunization Day hman niin hemi denchhen hian naupang kum 5 hnuai lam hnena zeng hri danna pek "Intensified Pulse Polio Immunization" beihpui thlak niin Mizoramah pawh urhsun taka he hun hi hman a ni a, Aizawl District a Phullen R.D. Block ah pawh zeng hri danna pek beihpui hi thlak niin Phullen Health sub-centre ah a hawnna inkhawm buatsaih a ni a, he hun hi Dr. Zoliankimi Ngente in kaihruaiin Pu K. Zorammuana, BDO, Phullen RD Block in a hmanpui a, polio vaccine (zeng hri danna) naupang ka chhunga thlawr in bul a tan a; hemi hnu hian nilengin sub-centre a booth an siamah naupang hnenah zeng hri danna hi pek niin naktukah health department a thawk ten In tin tlawh chhuakin naupang kum 5 hnuai lam zeng hri danna la dawng lo te an zawng chhuak ang.

Aibawkah pawh booth pahnih siam niin BDO Pu Lalmuanpuia'n drop hmasa ber pe in programme a hawng a, Darlawn RD Block ah pawh Pu Alan Lalthanzara, BDO hovin zeng hri danna pek run pui hi kalpui a ni bawk.



Source: DIPR, Serchhip