SERCHHIP KHAWCHHUNGA VILLAGE COUNCIL THENKHAT HMING LEH RAMRI SIAMTHAT A NI


Serchhip, 23rd February, 2015: Pu C. Thatkunga, Secretary to the Government of Mizoram, Local Administration Department chuan The Lushai Hills District (Village Councils) Act, 1953 hnuaia Section 3(1) in thuneihna a pek hmangin Mizoram Gazette January ni 13, 2015 a tihchhuah Serchhip khawpui huamchhunga Village Council Constituency hming thenkhat leh ramri thar te chu a hetiang hian a siamtha.

“Serchhip VC-IX chu New Serchhip South” tih a ni tawh zawk ang a, “Serchhip VC-X chu New Serchhip North” tih a ni ang.

Serchhip VC-V, New Serchhip South leh New Serchhip North Village Council ramri (boundary) pawh hetiang hian thenfel a ni.

SERCHHIP-V VILLAGE COUNCIL RAMRI :

Chhim lam :Pu Rokima In huamin Auditorium panna Medical Compound chin zelah a phei ang a. Tuizem Dum kawn panna step-ah chhovin Tuizem dum kawnah VC-I a ri ang.

Hmar lam :Tuikhur leh Thlanmual huama rawn pheiin kawrpui a rawn pawh ang.

Chhuah lam :Kawrpui atanga rawn chhovin Pu Rokima In leh Pu Lalrammuana In inkarah Ramthlun Road a rawn pawh ang.

Tlak lam : Tuizem Dum kawn atangin Field Road zawhin Pu Sanghmingthanga luah Medical Quarter huamin Field Road chung Zozam Road/Footpath-ah pheiin Pu Zachhunga In huamin VC-I a ri ang.

NEW SERCHHIP SOUTH VILLAGE COUNCIL RAMRI :

Bilzel lui zawh thlain Bukpui lui a pawh ang. Bukpui lui pawh chho zelin Pu Zothansanga huan kawrte zawh chhoin Pu PC Lalhleia In leh Pu R. Zakapa huan inkar kawrte rawn zawh chho zelin Pi Vanlawmi In leh Pu Hrangmana In inkarah rawn chhovin NH-54 a tan tlang ang. Supply Godown leh Supply Inspector Quarters inkarah chhukin Pu Vanlalmuana leh Pu H.Zonuntluanga te In inkar kawrte zawh thlain Tlangpui lui a pawh ang. Tlangpui lui atangin Khawtetlang kawrte man chhovin DC Bangla leh SP Quarters inkar kawnah chhuak chhovin NLUP Link Road zawh thlain Khawtetlang Thlanmual huam lovin NLUP link Road zu pawh lehin Pu F.Zahleia huan kawr chhuk zawnga zawh zelin Tuikum lui a fin a. Tuikum lui chu chhim zawnga zawhin Tlangpui lui a fin a. Tlangpui lui zawh chhovin Quarry Road a pawh a, heta tang hian Pi Vanlalhruai In leh SP Quarters hlui inkarah rawn chhovin P&E kawng a zawh thla a, Tlangnuam kawngah zawh chho lehin Bilzelah NH-54 a rawn pawh ang.

NEW SERCHHIP NORTH VILLAGE COUNCIL RAMRI :

Pi Vanlawmi Lo leh Pu Hrangmana In inkar Starting Point-ah hmangin heta tang hian Pu PC Lalhleia In leh Pu R. Zakapa huan inkar kawrteah chhukin Pu Zothansanga huan kawrte zawh thlain Bukpui lui a fin a,Bukpui lui zawh thlain Hmawngawn lui a fin a, heta tang hian Mat lui finin hmar zawnga zawh chhovin Vaube lui a pawh a,Vaube lui pengthuam hmar lamah zawh chhovin NH-54 a tan tlang ang a, lui mawng lam zawh thlain Zalreng lui a fin ang. Zalreng lui chu khawchhak zawnga zawh chhukin Tuikum lui a fin ang. Heta tang hian Pu.F. Zahleia huan kawrah chhovin NLUP Link Road zawh chho zelin Khawtetlang thlanmual huamin NLUP Link Road zawh lehin DC Bangla leh SP Quarters inkar kawnah a lo chhuak ang a, tlak lamah kawrte zawh thla in Tlangpui lui a fin thla a, Tlangpui lui atangin kawrte zawh chhovin Pu Vanlalmuana In leh Pu H. Zonuntluanga In inkar kawrteah lo chhovin Supply Godown leh Supply Inspector Quarters inkarah lo chhovin Pi Vanlawmi In leh Pu Hrangmana In inkar Starting Point a pawh ang.

Source: DIPR, Serchhip