VAWIIN KHAN CHIEF MINISTER PU LAL THANHAWLA KRISMAS CHIBAI BUKNA THILPEK SERCHHIP BAWRHSAPIN A SEM


Dated Serchhip, the 22nd December, 2016: Vawiin hian Serchhip District Bawrhsap Dr. Lalrozama, IAS chuan Serchhip bialtu MLA, Chief Minister ni bawk Pu Lal Thanhawla MLA Fund atangin Serchhip Town chhunga chhawmdawlna In leh Damdawi inah Krismas chibai bukna thilpek a hmunah kalin a sem a. Serchhipa tlawmngai pawl lian zual, YMA leh MUP bakah MJA Serchhip District, Serchhip Town joint VC leh Block Congress Committee aiawh ten an tawiawm.

Thilpek pek zat hi Zoar Deprived Children home Farm Vengah- Rs 2500, Serchhip District Hospital Rs 2500/- Unity Orphans Home Hmar Vengah- Rs 2500, Shalom Special School New Serchhip Rs 3000, Beiseina In (Old Age home) New Serchhip Rs 2000, Hmangaihna In (Adult Rehabilitation Centre) Chhiahtlangah Rs 2000, a vaiin Rs 14500/- ( cheng sing khat sang li zanga ) a ni.

Source: DIPR, Serchhip