SERCHHIP DISTRICT- A INTHLAN BUAIPUITU POLLING PARTY TEN VAWIIN ATANG AN DUTY NA TUR HMUN AN PAN


Serchhip, 22nd November, 2013: Vawiin chawhma dar 10:00 atang khan Serchhip District chhunga Assembly Constituence pathum (Tuikum, Serchhip leh Hrangturzo) a Inthlan buaipui tura sawrkarin a ruat Polling Party hrang hrangte chuan DC Office tual atangin an duty na hmun tur an pan tan ta.

Vawiina Polling party an duty na tur hmun pana chhuak ta te hi an vaiin team 57 an ni a, Team khatah hian Polling Official pali zel bakah Police pahnih an awm zel a, Serchhip District Polling Station 77 a duty tur hian team 77 ruahman a ni a; engemaw tul thut a duty tur Reserve Team 17 (Serchhip - 5, Tuikum – 6, Hrangturzo - 6) awmin vawiin a chhuak ve lo Team 20 te hi naktuk November ni 24, 2013 (Pathianni) ah an chhuak ve thung ang.

Vawiina Polling Party hrang hrang kalchhuakte hian an Duty na hmun tur an pan hma in Serchhip DC Office tualah Inthlan buaipuina tura an mamawh hmanraw chi hrang hrang (Polling Materials) te a kim leh kim loh an endik a, hemi hnu hian Electronic Voting Machine (EVM) an hman tur theuhte an check leh vek bakah SMS Registrartion te tifel niin, TA/DA pek fel nghal vek an ni bawk. Polling Party hrang hrang te hi an duty na tur hmun pana an chhuah hma hian anmahni bialtu Sectoral Magistrate ten hnathawh dan tur kalphung leh thil tul dang te hrilhfiahna hun tawi fel tak an hmanpui hnu ah District Election hotu ten an vailiam a ni.

Vawiin a Polling Party kalchhuak zat kimchang a hnuaia Table ah hian tarlan a ni.
 

Assembly Constituency

               POLLING PARTY
   Awm Zat Vawiina Chhuak Naktuka Chhuak Tur
26-Serchhip (ST)      23       8      15
27-Tuikum (ST)      29      24       5
28-Hrangturzo (ST)      25      25      Nil
TOTAL      77      57      20



Source: DIPR, Serchhip