SERCHHIP-AH POLLING PARTY FINAL RANDOMIZATION NEIH A NI


Serchhip, 22nd November, 2013: Serchhip District Election Officer Pi Juhi Mukherjee, IAS kaihhruaina hnuaiah vawiin chawhma dar 11:00 khan Serchhip National Informatics Centre-ah “Final Randomisation of Polling Party” neih a ni a, he hunah hian computer hmangin Serchhip District chhunga Assembly Constituency pathum a Polling Party te duty na tur Polling Station ruatfel a ni.

Pu Lalruatmawia Zadeng, DIO Serchhip chuan “Final Randomisation of Polling Party” kalpui dan tur a sawifiah a, Serchhip District chhunga Assembly Constituency pathumah hian polling station 77 a awm a, Randomisation ah hian Polling Party te kalna tur mumal taka siam fel ani nghal a, Polling Party te hi an kalna hmun tur azirin naktuk (November 23, 2013) zing dar 9:00 atangin an kalchhuak ang a, a hnaivai ho chu Pathianni (November ni 24, 2013) ah an kalchhuak thung ang.

Polling Party te hi an duty na tur Polling Station hriattir an la ni rih lova, Election Commission of India ruahmanna angin an kalchhuah dawn hnaiah chauh an duty na tur hi hriattir an ni dawn a ni.

Vawiin a “Final Randomisation of Polling Party” neihna ah hian Serchhip District Election Observer pathum, Serchhip District Election Officer, Pi Juhi Mukherjee, IAS, Serchhip District , Pu F.J. Liantluanga, MCS, Returning Officer, Tuikum Constituency, leh official pawimawhte an tel a ni.

Assembly Constituency No. of        Teams No. of  Reserved Teams
26-Serchhip(ST)    23    5
27-Tuikum(ST)    29    6
28-Hrangturzo(ST)    25    6



Source: DIPR, Serchhip