NORTH VANLAIPHAI SDO(CIVIL) THAR ATAN IAS OFFICER


Serchhip, 22nd October, 2014: North Vanlaiphai SDO(C) thar tura ruat Abhijit Vijay Chaudhari, IAS leh North Vanlaiphai SDO(C) tang lai Pu Ngulsangvela, MCS te chuan vawiin khan North Vanlaiphai SDO(C) pisa ah charge an inhlan.

Pu Abhijit hian North Vanlaiphai a thlen hma in Serchhip District bawrhsap Pi Juhi Mukherjee, IAS chu a pisa ah hmu in Bawrhsap pisa ah officer te nen inhmelhriatna hun an hmang a, hemi hnu hian a thawhna hmun tur North Vanlaiphai lam panin a chhuak a ni.

Pu Abhijit Vijay Chaudhari hi 2012 batch IAS niin kum 1986 January ni 20 a piang a ni a, Bhusawal, Jalgaon District, Maharashtra atanga lo kal a ni. Thiamna lamah B.A.M.S (Bachelor of Ayurvedic Medicine and Surgery) niin Sanskrit ah Bachelor degree a nei bawk a, nupui nei tawh niin an nupa hian thiamna lamah Doctor ve ve an ni.

Pu Ngulsangvela, MCS hi Disaster Management & Rehabilitation Department ah Under Secretary in a awm thung dawn a ni.


Picture: Shri Abhijit Vijay Chaudhari, IAS reporting to Juhi Mukherjee, IAS - DC Serchhip District before joining his new post as SDO (C) at North Vanlaiphai



Source: DIPR, Serchhip