NI THUM AWH TUR SERCHHIP DISTRICT-LEVEL PYKKA COMPETITION TAN A NI


Serchhip, the 22nd October, 2013: Ni thum (22nd - 24th October, 2013) awh tur Serchhip District huap thingtlang mite infiamna kutpui Panchayat Yuva Krida Aur Khel Abhiyan (PYKKA) Competition chu vawiin atang hian tan ani a, Pu F.J. Liantluanga, MCS, Project Director, DRDA Serchhip chuan vawiin chawhma dar 11 Serchhip DC Conference Hall-ah he infiamna kutpui hi a hawng.

Vawiina PYKKA Competition hawnna inkhawm Pu Andrew H Lalremruata, MIS, DIPRO Serchhip kaihhruaiah thu sawiin khuallian Pu F.J. Liantluanga chuan India Sawrkarin thalaite thiamna leh theihna (talent) haichhuah kawngah nasa takin tan a la a, PYKKA pawh hi thil thar a ni a; tunhma chuan thingtlang thalai talent nei tha tak tak te chu ngaihsaktu leh hriatpuitu awm lem lovin a vannei fal te tih loh chu kan thamral mai mai thin a, tunah Panchayat level atanga National level thlenga talent phochhuahna remchang kan nei tawh a, thingtlang kilkhawra ber ami pawhin a theihna in a tlin phawt chuan India ram leh khawvel huapa lanchhuah theihna hun remchang kan nei tawh a ni a ti a, naupang leh thalai infiammi fuankhawm te chu an theihna leh thiamna hrechiang tur leh an zirlai ngaihthah phah nana hmang lo tur a chah chung leh duhsakna hlan pahin ni thum awh tur Serchhip District huap thingtlang mite infiamna kutpui Panchayat Yuva Krida Aur Khel Abhiyan (PYKKA) Competition chu a hawng a ni.

Serchhip District PYYKA Competition 2013 ah hian Serchhip District chhunga R.D. Block pahnih Serchhip leh E.Lungdar atangin infiammi mi 100 chuang te chu infiamna discipline chi hrang hrang 10 (sawm) ah an inel dawn a, heta ti tha te hian State Level PYYKA Sport ah Serchhip District ai an awh dawn a ni. Discipline hrang hrangte hi a concerned-District Level Sports Association ten buaipuiin intihsiakna an kalpui a ni.

Sawrkar Laipui remruatna angin Serchhip District PYYKA Rural Competition 2013 buatsaih na atan hian Discipline tin ah Rs. 2,00,000/- (Rs.20,000/- per Discipline) ruahman a ni a, hei bakah hian Lawmman (Prize Money) atan a hranpa a sum ruahman niin Discipline tin a (Individual & Team) champion in Rs. 150 + Trophy + Certificate an dawng ang a, Runner-up in Rs. 100 + Trophy + Certificate an dawng ve thung ang.

PYKKA Competition hi Panchayat, Block, District, State leh National level ah neih thin niin Serchhip District bik hi State level PYKKA Competition a champion lai an ni.

Sports Discipline hrang hrang khelhna hmun leh hun hetiang hian ruahman a ni:

SL NO

DISCIPLINE

KHELHNA HMUN

KHELH HUN

1.

Athletics

Khawtetlang Field, New Serchhip

October 23&24, 2013

2.

Badminton

Bukpui Indoor Stadium

October 23, 2013

3.

Boxing

Serchhip Indoor Stadium

October 22&23, 2013

4.

Football

Khawtetlang Field, New Serchhip

October 22, 2013

5.

Hockey

Khawtetlang Field, New Serchhip

October 22, 2013

6.

Judo

New Serchhip YMA Hall

October 23, 2013

7.

Taekwondo

New Serchhip YMA Hall

October 22, 2013

8.

Table Tennis

T.T.Academy Hall, New Serchhip

October 22, 2013

9.

Weightlifting

Serchhip R.D. Block BNRGSK Hall

October 22, 2013

10.

Wrestling

Serchhip R.D. Block BNRGSK Hall

October 22, 2013




Source: DIPR, Serchhip