ASSURANCE COMMITTEE TEN FOOD TESTING LABORATORY SAK MEK TLAWH


Dated Serchhip, the 22nd September, 2016: Vawiin hian Committee on Government Assurances, Mizoram Legislative Assembly Member te chuan an Chairman Pu R. Vanlalvena, MLA, Chairman ZOHANDCO ni bawk hovin Thenzawl dai Mausep rama Food Testing Laboratory sak mek an tlawh.

Chairman Pu R. Vanlalvena chuan, Food Testing Laboratory an tlawh chhan chu he Laboratory pawimawh tak mai hi a taka hman a nih thuai theih nana thil pawimawh leh tul dang la awm te zirchian leh a tul anga ngaihtuah zui a nih thu sawiin, vawiina an thil hmuhte chu Committee in ngaihtuah zuia a tul ang zela hmalak a nih tur thu a sawi a ni.

Food Testing Laboratory hi Trade & Commerce Department chuan Sawrkar laipui atanga an dawn Export Development Fund, Rs 292.60 Lakhs hmangin kum 2011 khan an sa tan a, tunah chuan a buildingte zawh tawh niin khawl pawimawhte bun tura hmachhawp awm mek a ni.

Vawiina Assurance Committee member kal te hi Chairman Pu R. Vanlalvena bakah Pi Lalawmpuii Chawngthu, MLA leh Pu Lalthanliana, MLA te an ni a, member dang Pu Chalrosanga leh Dr. Ngurdingliana te erawh chu thil tul dang avangin an tel thei rih lo thung.

Assurance Committee hi Aizawl atangin Dr K. Ropari, Principal Director, Health Department, Pu Lalrina Sailo, Joint Secretary Health Department, Pu J. Hmingthanmawia, Director, Commerce & Industries Department te, Dr. Rohmingthanga Ralte, Director, Health Services leh Official pawimawh dangten an tawiawm a, Assembly Secretariat atangin Pi Lalramzauvi, Deputy Secretary leh Pi Lalhmingmuani, Committee Officer ten Assurance Committee hi an rawn zui bawk a ni.

Source: DIPR, Serchhip