SHAALA SIDDHI TRAINING BUATSAIH


Dated Serchhip, the 22nd June, 2017: Vawiin chawhma dar 11 khan RMSA leh SSA Mission Serchhip District tangkawpin an buatsaih, National Programme on School Standards and Evaluation (NPSSE), SHAALA SIDDHI tia hriat lar Training chu BNRGSK Hall Serchhipah neih a ni.

He hunah hian Pu PC Vanlalluna, Nodal Officer, Deputy DPC, RMSA chuan thusawiin Shaala Siddhi chungchang a sawifiah a, Saala Siddhi hi Ministry of Human Resources Development bul tuma duan niin a tum ber chu ram chhunga School zawng zawngte hmasawn dan hriat chiana, a tul ang zela hnathawh dan tur inzirtirna a ni a. India ram pumah kalpui mek niin, zirna in hrang hrangten hma kan sawnna te Internet kaltlanga hmuh vek anih theihnan School te hmalakna website a phochhuahna a ni, ni a ti.

Kumin March thla ah khan he programme hnuaiah hian School thlan bik thenkhat tan kalpui tan a lo ni tawh a. Tun tumah erawh hi chuan Serchhip District pumpui tuam chhuah tum a ni a, vawiin hian Serchhip RD Block huam chhunga Primary School atanga Higher Secondary School, sawrkar enkawl mekte tan training hi buatsaih niin naktuk hian E.Lungdar RD Block huam chhung ami te tan buatsaih a ni ve leh thung dawn a ni.

He hunah hian Pu Lalzarzova, District MIS Coordinator, SSA Serchhip, Pu B. Laltanpuia, Project Assistant SSA, Serchhip leh Pu Vanlalremthulenga, Assistant MIS Coordinator RMSA, Serchhip ten zirtirna an pe a ni.

Source: DIPR, Serchhip