SERCHHIP-AH NORTH-EASTERN DISTRICT RESOURCES PLAN (NEDRP) PORTAL HAWN A NI


Serchhip, 21st April, 2015: Vawiin chawhma dar 11:00 khan Serchhip District bawrhsap Pi Juhi Mukherjee, IAS chuan National Informatics Centre, Serchhip District Office ah North Eastern Space Applications Centre (NESAC) leh Mizoram State Remote Sensing Centre (MiRSAC) te buatsaih Serchhip District hmasawnna ruahmanna siam kawnga tangkai tak tur North Eastern District Resources Plan (NEDRP) Portal for Serchhip District chu a hawng.

Pi Juhichuan NEDRP buatsaihtu NESAC leh MiRSAC te chungah lawmthu sawiin Mizorama hmalakna thawh khatna atan aSerchhip District an thlang ve chu thil lawmawm tak a ni a ti a, Disaster Management Plan te, Development Plan hrang hrangte leh thil dang tangkai tak tak atan hman theih anih thu leh District chhung hmasawnna thlen tu anih ngei a beisei thu sawiin NEDRP Application hi DC office ah installed ani dawn a, Line Department hrang hrangte zingah a chhawr tangkai duh an awm chuan an duh hun hunah hman theih anih thu a sawi bawk a ni.

NEDRP Portal hi North Eastern Council (NEC) tanpuina a North Eastern Space Applications Centre (NESAC), Shillong leh Mizoram State Remote Sensing Centre (MiRSAC) te buatsaih a ni a, Data pawimawh chi hrang hrang -Administrative data, Infrastructure data, Land resources data, Water Resources data, Bio-Diversity data, Terrain data, Planning inputs bakah data pawimawh dang tam tak dah niin tuna mi hi version pakhatna a ni a, version pahnihna an peihfel hunah tun aia kimchang zawk hian thuam anih dawn thu NESAC scientist te chuan an sawi a, Detailed Project Report (DPR) atan te, Master Plan Document atan te leh hmasawnna hnathawh dan tur ruahmanna kawng hrang hrang atan te, Chhiatrupna thil a thlen hun a hmalakna tur ruahmanna atan leh Police te hnathawhna kawngah pawh nasa taka tangkaipui theih anih tur thu an sawi bawk.

North Eastern District Resources Plan (NEDRP) hi Mizoramah a thawhkhat nan Serchhip, Kolasib leh Saiha District ah te kalpui niin District dangah pawh kalpui leh thuai tura ruahman a ni.

Source: DIPR, Serchhip