SERCHHIP DISTRICT-AH HORTICULTURE DEPARTMENT-IN NLUP 3rd PHASE LEH 4th PHASE SEM


Serchhip, 20th September, 2013 Vawiin chawhma khan Serchhip Chanmari Venga Horticulture Department Training Hall-ah; Horticulture Department hnuaia NLUP 3rd Phase leh 4th Phase beneficiary te hnenah NLUP first installment sem a ni a, hemi rual hian Thenzawlah leh North Vanlaiphaiah NLUP hi sem a ni bawk. Vawiin a NLUP dawng zawng zawng hi 229 an ni.

Vawiina NLUP sem hi 3rd Phase ah chuan Serchhipah beneficiary 47 (M.Orange-23, Pineapple-22, Aloe Vera-1, Tung-1) an ni a, Thenzawlah beneficiary 30 (M.Orange-5, Pineapple-25), North Vanlaiphaiah beneficiary 67 (M.Orange-67), an vaiin beneficiary 144 (M.Orange-95, Pineapple-47, Aloe Vera-1, Tung-1) an ni.

Vawiina sem vek NLUP 4th Phase beneficiary te chu Serchhipah beneficiary 19 (M.Orange-12, Pineapple-7), Thenzawlah beneficiary 15 (M.Orange-2, Pineapple-13), North Vanlaiphaiah beneficiary 51 (M.Orange-51), an vaiin beneficiary 85 (M.Orange-65, Pineapple-20) an ni.

Horticulture Department hnuaia NLUP 3rd Phase beneficiary zawng zawng hi 545 an ni a, Serchhip Cluster ah beneficiary 77 (M.Orange-28, Pineapple-47, Aloe Vera-1, Tung-1), Tuikum Cluster ah beneficiary 160 (M.Orange-105, Pineapple-32, Tea-8, Passion Fruit-3, Iskut-1, Aloe Vera-6, Tung-5), Hrangturzo Cluster ah beneficiary 311 (M.Orange-257, Pineapple-12, Tea-42) an awm a ni.

Horticulture Department hnuaia NLUP 4th Phase beneficiary tura thlan hi 284 an ni thung a, Serchhip Cluster ah beneficiary 34 (M.Orange-14, Pineapple-20), Tuikum Cluster ah beneficiary 55 (M.Orange-42, Pineapple-7, Tea-4, Aloe Vera-2), Hrangturzo Cluster ah beneficiary 195 (M.Orange-172, Pineapple-7, Tea-16) an awm a ni.

Vawiina NLUP semna inkhawm Serchhipa neih hi Pi Lucy Zaithangpuii, ADHO in a kaihruai a, beneficiary te hi APR leh intiamkamna te ziah tir an nih hnu ah 1st Installment atana an pawisa dawn tur Rs. 10,000/- theuh chu an bank account ah dah sak an ni a, hemi hnu hian an pawisa dawn atanga hma an lak dan tur leh hna an thawh dan tur te zirtir an nih bakah thil tul dangte inhrilhhriatna hun hman a ni bawk.

Pu Lalhmangaiha, DHO chuan NLUP 3rd Phase leh 4th phase beneficiary vawiina tanpuina dawng ve lo te pawh karleh chhung hian pek kim vek an tum thu leh hemi tur hian ruahmanna an siamfel vek tawh thu a sawi bawk a ni.

Source: DIPR, Serchhip