CHHINGCHHIP-AH HORTICULTURE DEPARTMENT-IN NLUP TANPUINA SEM


Serchhip, 20th August, 2015 : Vawiin chawhma dar 11:00 khan Chhingpuii Run, Chhingchhipah Horticulture Department, Serchhip District chuan Tuikum Biala khaw 16 a NLUP Second Phase beneficiary 302 hnenah tanpuina sum Final Installment an sem.

Vawiina tanpui pek chhuah te hi Trade hrang hrang 8 : Aloevera, Passion Fruit, Chayote (Iskut), M. Orange, Pineapple, Thingpui, Tung leh Kuhva hnuaia tanpuina dawngtu te niin, an vaiin chhungkaw 302 an ni a, tanpuina sum semchhuah zawng zawng zat chu Rs. 81,38,669/- a ni a, Bank awmlohna khuate chu a pawisa faia hlan niin, midang zawng chu an bank account ah dah sak an ni a, tanpuina dawngtu te hian APR ah hming an ziak vek a ni.

NLUP sem inkhawm hi Pi Zosiamliani, DHO Serchhip in a kaihruai a,Pu R. Lalmuanpuia, HEO (Hqrs) chuan lawmthu sawina hun hmangin tanpuina sum sem inkhawm hi khar a ni.

Source: DIPR, Serchhip