SERCHHIP TOWN AREA RATE & WAGES COMMITTEE IN SA HRALHNA MAN THAR BITHLIAH


Serchhip, 20th January 2014: Vawiin chawhma dar 11:00 khan Serchhip DC Meeting Room ah Serchhip Town Rate & Wages Control Committee chu an Chairman Pi Juhi Mukherjee, IAS hovin Serchhip khawpui huamchhunga Sa hralhna man thlirletin an thukhawm.

Vawiin thukhawm chuan Serchhip Sa Zuar Association ten Sa hralhna man chi hrang hrang en nawn sak tura an ngen na chu ngaihtuahin hetiang hian Sa rate thar an bithliah.

1) Vawksa : Rs. 250 per Kg
2) Bawngsa : A Thin - Rs. 300 per Kg, A Ti hlang – Rs. 280 per Kg, A Ruh – Rs. 230 per Kg
3) Arsa : Puah sa – Rs. 200 per Kg, Puah loh – Rs. 170 per Kg.
4) Phai Sangha : Rs. 200 per Kg.

Sa rate te hi thla 6 danah ennawn leh thin tur a ni a, District Bawrhsap in thuchhuah a siam leh hma chu he sa rate hi tihdanglam phal ani lo bawk a ni.

Sa rate hi Tlawmngai Pawl hrang hrang te, Village Council aiawh te leh Sa Zuar Association ten lungrual tlang taka an siam anih avangin ngaihpawimawh a tul thu leh dan zawm tha duh lo te chu an chunga thuneitu ten a tul dana hma an lak theih nan hrilh hre zung zung turin Bawrhsap chuan mipuite leh tlawmngai pawl te a ngen a, rate thar pawh hi Village Council leh YMA Branch hrang hrang leh Sub-Headquarters ah te pek a ni dawn a; YMA Branch tinah Public Information Centre atangin mipui te hnenah puan zar ani bawk ang a, Bazar sa talhna hmunah Notice Board siama mipuite hmuhtheih tura tarchhuah ani bawk dawn a ni. Bawrhsap chuan mipuite hmakhua ngaia thutlukna hi siam anih thu leh khauh taka he rate hi kalpui anih tur thu a sawi a ni.

Source: DIPR, Serchhip