NSSP SENSITIZATION PROGRAMME KALPUI MEKAH SERCHHIP DISTRICT CHHUNG HIGH SCHOOL LEH HIGHER SECONDARY SCHOOL ZIRLAITE IN-ELNA BUATSAIH


Serchhip, 19th September, 2014: Serchhip District chhungah National School Safety Programme (NSSP) Sensitisation Programme kalpui mek ah hemi puala hmalakna pakhat District chhunga High School leh Higher secondary School zirlaite pual in-elna vawiin khan Serchhip DC Conference Hall-ah buatsaih a ni.

Vawiin chawhma dar 11:00 khan Serchhip District chhunga Sawrkar leh Mimal enkawl High School zirlaite tan “Essay Writing” in-elna neih a ni a, thupui atan “Khuarel chhiatrupna lo thleng thei hmachhawn tura inbuatsaihna kawnga zirlaite mawhphurhna” tih chu hman a ni. a titha berin Rs. 10,000/-, pahnihna in Rs. 7000/-, pathumna in Rs. 5000/- a dawng dawn a ni.

Vawiin vek chawhnu dar 1:00 khan District chhunga Higher Secondary School zirlaite tan “Poster with Slogan” ziak a in-elna buatsaih a ni a, thupui thlan tur pathum “Lirnghing, Leimin leh Mei kang” zinga an duh ber thlangin zirlaite hi an in-el a ni. Disaster Management & Rehabilitation Department in poster ziahna tur hmanrua leh a cheina tur poster colour te an tum sak a, a titha berin Rs. 15,000/-, pahnihna in Rs. 12,000/-, pathumna in Rs. 10,000/- a dawng dawn a ni.

Vawiin intihsiakna ah hian Serchhip District chhung khaw hrang hrang a High School leh Higher Secondary School aiawh zirlaite an tel tha hle a, zirlaite hi refreshment pek an nih bakah T.A pek vek an ni. Intihsiakna result hi NSSP Sensitisation Programme kharna inkhawmah puan a ni ang a lawmman sem nghal a ni ang.

Source: DIPR, Serchhip