SERCHHIP BAWRHSAP THARIN HNA ZAWM TAN


Serchhip, 19th March, 2014: Election Commission of India thupek angin Serchhip Bawrhsap thar Dr. Franklin Laltinkhuma, IAS chuan vawiin atang khan a hna a zawm tan ta; Bawrhsap hian vawiin tlai dar 3:00 khan Serchhip DC Office a thleng a, DC Office a officer te leh Staff ten an lo dawng sawng a ni.

Hetih lai hian Bawrhsap kalchhuak ta Pi Juhi Mukherjee, IAS chuan Aizawl Bawrhsap hna chelh turin vawiin chhun khan Serchhip a chhuahsan a, Serchhip a chhuahsan hma hian a pisa ah DC Office leh a bulhnaia Sawrkar Officer te kokhawmin Serchhip Bawrhsap hna a thawh chhunga tha taka an tawiawmna avangin lawmthu a sawi a, an hnathawh danah sawisel tur a hriat loh thu leh Inthlanpui lo awm turah pawh harsatna tawk miah lova hlawhtling taka an hna an hlen ngei a rin thu a sawi bakah, MLA Election a hman tur sum an hmuh aia tlem inthlan lo awm tur atan pek an nih thu sawiin fimkhur tak leh ren taka sum hmang thiam turin inthlan buaipuitu officer te a chah a ni.

Sawrkar thupek a a lan dan chuan Bawrhsap pahnih te hi Lok Sabha leh Hrangturzo Assembly Constituency By-Election zawh fel anih veleh an in awm thleng lehnghal dawn a ni.

Source: DIPR, Serchhip