SUMDAWNGNA ATANA HMAN LIRTHEI HLUI TAWHTE A THARA THLAK TUR


Dated Serchhip, the 18th October, 2016: Ni 26.07.2016 a State Transport Authority leh Mizoram sawrkarin a lo pawm tawh angin lirthei hlui tawh avanga chetsualna leh vanduaina thleng thei lakah mipuite an lo him zawk theih nana mihring phur chi lirthei (Commercial passenger vehicles) te chu a hnuaia tarlan ang hian hman theih an nih hun chhung bithliah an ni a, heng kum bithliah aia kum upa zawng zawng chu a hnuaia Condition-in a sawi ang hian lirthei tharin thlak vek tur a ni.

1. Tourist Bus - 8 years
2. Tourist Taxi - 9 years
3. 2 Wheeler Taxi - 10 years
4. 3 Wheeler taxi _ 10 years (Auto Rickshaw, etc)
5. Local Taxi/Motor Cab - 10 years
6. Maxi Cab - 10 years
7. City/Town/Line Bazar Bus - 10 Years

A TIH DAN TUR:

1. Bus tih loh lirthei dang chu he Hriattirna chhuah (15th Sept. 2016) atanga thla 6 chhungin a thara thlak zawh hman tur a ni. Bus hi thla 8 chhungin zawh tur a ni. Lirthei a thara thlak hi vawi khat atan chauh phal a ni a, hun tiam chhunga thlak lo te chu an Permit tih tawp tur a ni.

2. Lirthei, a thara thlak turte chua, motor awm ngei, permit leh motor documents zawng zawng (Registration Certificate, Taxes, Insurance, etc) nung lai a ni tur a ni a, lirthei leh Registration Certificate a inmil thlap turi a ni.

3. Accident avanga siam that tlak loh, kum bithliah tlinglo, a thara thlak tur anih chuan Condition No 2 na sawi bakah hian a hnuaia sawite hi an nei tur a ni:
i) Police Report, Police Station GDR number leh date
ii) Motor Vehicles Inspector (MVI) Accident Inspection Report.

Source: DIPR, Serchhip