DISTRICT LEVEL SCIENCE CONGRESS SERCHHIP AH NEIH A NI


Dated Serchhip, the 18th October, 2016: Vawiin chawhma dar 10:00 hian BNRGSK Hall Serchhipah RMSA Serchhip District leh Science Teacher Association Mizoram, Serchhip District buatsaihin District Level Science Congress neih a ni.

Science Congress hi Pu Lawmawma, District Project Coordinator, RMSA Serchhip leh District Education Officer ni bawk chuan a hawng a, thu sawiin Pu Lawmawma chuan Science leh Technology hi ram hmasawna atana thil tul tak a ni a, a tel lo chuan hmasawnna a kal thei lo a ni a ti a, zirlai naupang te pawhin a tulna leh a pawimawhna an hriat chian zel theih nan hetiang hun hman fo hi a tha hle dawn a ni, a ti.

Science Congress ah hian Serchhip District chhunga High School hrang hrang atangin zirlai naupang 33 ten thupui hrang hrang 10 hmangin inelna an nei a, an zinga ti tha pahnihte hian State levelah intihsiakna an hmachhawn leh ang.

He hun hi Pu Pc Vanlalluna, Deputy DPC Serchhip chuan a kaihruaia, Pu AK Chanchal, Academic Coordinator, STAM chuan Congress neih anih dan report a pe a. He intihsiakna hi Dr. C. Vanlalnghaka, Asst. Professor leh Dr. Jonathan Lalnunsiama, Asst. Professor Government Serchhip College te chuan an endik a, State level intihsiaknaa tel turin, 1-na Cameron Malsawmtluangi (Electricity Effect on Plants) St. Peters High School, Chhingchhip, 2-na Faustina Zodinpuii (Energy) St. Peters High School, Chhingchhip leh 3-na Lucy Malsawmzuali (Micro Climate) St. Peters High School, Chhingchhip te thlan an ni.

Source: DIPR, Serchhip