SERCHHIPAH SYSTEMATIC VOTER’S EDUCATION & ELECTORAL PARTICIPATION CHUNGCHANG NGAIHTUAHIN ELECTION OFFICIAL-TE AN THUKHAWM


Serchhip, the 18th October, 2013: Vawiin chawhnu dar 2:00 khan Serchhip District Election Officer leh Bawrhsap ni bawk Pi Juhi Mukherjee hovin ama pisaah election official pawimawh zualte an thukhawm a, kumin inthlanpui lo awm tura vote tla a that theih dan tur an ngaihtuah ho.


Picture: Juhi Mukherjee, IAS - District Election Officer briefing Election Officials..


Meeting kaihruaitu district bawrhsap chuan Serchhip District chu India ram pumpui huapa vote tlak that berna district ni turin Election Commission-in a beisei tih a sawi a, hemi atana hma la turin October ni 25 atanga November ni 4 chhungin district pumpui chhunga in zawng zawng tlawh chhuak turin Anganwadi Worker 154, ASHA Worker 56 leh Agruculture Department-a Field Staff (Gram Sevak) 20 te chu ruat an ni a, heng mite hian vote thlak a pawimawhzia zirtirna pein chhungkaw tin an tlawh chhuak vek dawn a ni.

Tin, January 1, 2013-a kum 18 tling chin, India khua leh tui dik tak, Electoral Roll-a la chuang lo an la awm chuan Roll-a an chuan theih nan ERO, AERO, Booth Level Officer leh Designated Officer te hriattir a, a rang lama hma lak ho nise an ti bawk an ni.

He meeting hian vote tla a that theih nan helam hawi zirtirna thu inziahsiak buatsaih a rel a, vote tlak that berna Polling Station hnenah lawman tha tak a siam bawk dawn a ni.

Source: DIPR, Serchhip