SERCHHIP-AH HIGH SCHOOL LEH HIGHER SECONDARY SCHOOL ZIRTIRTUTE PUALIN NAUPANGTE VENHIM CHUNGCHANG TRAINING BUATSAIH


Serchhip, 18th September, 2014: Serchhip District Child Protection Unit bultumin vawiin chawhma nileng khan I&PR Conference Hall, Serchhip-ah Serchhip District chhunga High School leh Higher Secondary School zawng zawnga “Nodal teachers for protection of child rights” te pualin Training pawimawh tak buatsaih a ni a, training hi District Bawrhsap Pi Juhi Mukherjee, IAS chuan khuallian niin a hawng a ni.

Hawnna thusawitu Bawrhsap chuan zirtirtu kalkhawmte chu mawhphurhna sang tak nei an nih thu hrilhin naupangte chu kawng hrang hranga tihduhdah tuar thei leh an chunga hleilenna thleng thei an nih avangin venhim uluk an mamawh bik a ni a ti a, Zirtirtute chu naupang ten school-a tihduhdahna (abuse) an tawrhna thleng thei laka venghim tur leh hetiang tawng palh an lo awm pawh a chhinchhiah vata thuneitute hnena thlen vat chu an mawhphurhna pawimawh tak pakhat ani a ti a, naupangte hian an zirtirtute an ngaisang em em thin a ni tih sawiin entawn tlaka nung tur leh naupang kaihruai tura nasa lehzuala tan la tura fuihin; naupang ten an harsatna an hrilh ngamna tur zirtirtu ni ntura insiamrem turin a chah a ni.

District Bawrhsap kaihhruai District Child Protection Committee thuchhuakin Serchhip District chhunga Zirna In zawng zawngah “Nodal teachers for protection of child rights” hi ruat chhuah vek tawh a ni a, Nodal teachers’ training hi chhawng li a neih tura ruahman niin a hmasa ber atan High School leh Higher secondary School zirtirtute pualin tunah hian buatsaih a ni.

Vawiin training programme hi Pi Lalsiampuii, DCPO chuan kaihruaiin thupui hrang hrang “Programmes & Services of ICPS-An Overview”, “Child Rights and Protection-The Role of Teachers”, “Juvenile Justice (Care and Protection of Children) Amendment Act, 2011”, leh “Adolescent Psychology” tih hmanga mithiam thlan bikte paper buatsaih zirbingna hun hman a ni a, sawihona hun hman zel a ni bawk.

Source: DIPR, Serchhip