SERCHHIP-AH AGRICULTURE DEPARTMENT-IN NLUP 3rd PHASE 1st INSTALLMENT SEM


Serchhip, the 18th September, 2013: Agriculture Department, Serchhip chuan Vawiin chawhma dar 10:00 khan Serchhip Chhim Venga Lalpuithanga Hall-ah, an Department hnuaia NLUP Trade hrang hrang a beneficiary 549 te hnenah NLUP 3rd Phase 1st Installment an sem.

Vawiin hian NLUP 3rd Phase 1st installment hi heng khaw hrang hrang Serchhip-II, Serchhip-III, Serchhip-V, New Serchhip, Chhiahtlang, Keitum leh Bungtlanga NLUP beneficiaries te hnenah sem a ni a, beneficiary te hi APR leh intiamkamna te ziah tir an nih hnu ah 1st Installment atana an pawisa dawn tur Rs. 10,000/- theuh chu an bank account ah dah sak an ni a, hemi hnu hian an pawisa dawn atanga hma an lak dan tur leh hna an thawh dan tur te zirtir an nih bakah thil tul dangte inhrilhhriatna hun hman a ni bawk.

Vawiin a NLUP tanpuina sem hi WRC-I ah mi 194, WRC-II ah mi 253, Oil Palm ah mi 71 leh Sugarcane ah mi 31, an vaiin mi 549 an ni a, an vai hian Rs. 10,000/- theuh 1st installment ah an dawng a, an pawisa dawn atanga hma an lak dan tura ruahman chu hetiang hi a ni:

WRC - I Leilet 1 hectare (Tin 2½ hmun) a zau vah faina Rs. 4000/-
Bial kotlang siamna Rs. 6000/-
TOTAL Rs. 10,000/-
WRC - II Leilet 1 hectare (Tin 2½ hmun) a zau vah faina Rs. 4000/-
Terrace 0.10 Bigha (Buh Phur 10 ) thar theihna a zau laihna man Rs. 6000/-
TOTAL Rs. 10,000/-
OIL PALM Ram 1 hectare (Tin 2½ hmun) a zau vah faina  Rs. 4000/-
Oil Palm khur 150 laihna man Rs. 6000/-
TOTAL Rs. 10,000/-
Sugarcane Ram 1 hectare (Tin 2½ hmun) a zau vah faina Rs. 4000/-
Fu chi 7000 phunna man Rs. 6000/-
TOTAL Rs. 10,000/-


Source: DIPR, Serchhip