IWMP DISTRICT CONVERGENCE PLAN SIAM DAN TUR SAWI HO


Dated Serchhip, the 18th August, 2016: Vawiin khan Serchhip Bawrhsap Pisaah IWMP District Level Committee chu an Chairman leh Bawrhsap ni bawk Dr. Lalrozama, IAS hovin an thukhawm a, 2017-2018 Financial Year chhunga IWMP District Convergence Plan siam dan tur an sawi ho.

Chairman Dr. Lalrozama, IAS chuan ruahmanna tha chuan rahtha a chhuah thin avangin ram mipuite tana chhenfakawm ngei, IWMP sum kan hmuhte hmanga kan neih theih nan ruahmanna tha tak kan duan a ngai a. Chutianga ruahmanna tha kan neih theih nan chuan Line Department ten fimkhur leh uluk taka hnathawh dan tur kan duan a ngai a ni, a ti.

He meetingah hian Line Department Officer ten hmachhawp an neih leh an hmachhawp atana tha nia hriat hrang hrangte sawi ho a ni a, chung te chu a taka thawh a nih theih nan mahni theuhva ruahmanna lo siam hmasa a, hun remchang hmasa bera en ho leh nise tiin an rel a. Chuta tang chuan District Plan duang chhuakin, chu chu State Level ah la thehluh leh tur a ni dawn a ni.

He meetingah hian Member Secretary Pi Teresy Vanlalhruaii, Project Director, DRDA leh Line Department aiawh te an tel kim a ni.

Source: DIPR, Serchhip