SERCHHIP-AH OFFICIAL TE TAN NI HNIH AWH RTI TRAINING BUATSAIH


Serchhip, 18th March, 2016 : Vawiin khan Administrative Training Institute (ATI), Government of Mizoram buatsaih nihnih awh "District-level Training of Public Authorities in RTI Act,2005" chu Serchhip DC Conference Hall-ah zawhfel a ni a, hetah hian Serchhip District chhunga Sawrkar Department hrang hrang a SPIO/SAPIO leh RTI Act, 2005 Dealing Assistants te an tel a ni.

Serchhip Bawrhsap Dr. Lalrozama, IAS pawhin he training hi uluk taka vilin RTI Act khawihtu official te chu an hma pawimawhzia hre turin a chah a, RTI Act chu dik taka thuil titute tan hlauhawm anih loh mai bakah mipuite ram rorelna a an tel ve theihna hmanrua pawimawh tak anih avangin hriatchian a pawimawh ani tiin hlemhletna dona hmanrua anih piah lamah thil diklo venna hmanraw pawimawh tak leh ram hmasawnna hmanraw pawimawh tak anih thu a sawi a ni.

RTI Act, 2005 Training hi nimin leh vawiin a neih niin Thupui hrang hrang "Obligation of Public Authorities", "Role of SPIOs/SAPIOs", "Procedure for Requesting Information", "Disposal of Information", "Third Party Information", "Exemption from Disclosure", "Powers and Functions of Information Commission" leh "Appeals and Penalties" te zirho a ni a, Resource Person atan Pu Vanlalchanchinthahrilmawia, Asst. Professor, Government Serchhip College, Pu Zorammuana, Teacher, Government High School, Serchhip leh Pu RK Sanghmingthanga, Lecturer, Government Higher Secondary School, Serchhip te hman an ni a, thupui zir zawh apiangin zawhna leh chhanna hun hman zel niin Pu Vanlalvuana, Dy. Director, ATI in zawhna te hi a chhang thin a ni.

Source: DIPR, Serchhip