SERCHHIP DIET HNUAIA IGNOU STUDY CENTRE KALTLANGA D.El.Ed ZIR TUR MI 100 LAWMLUHNA INKHAWM NEIH A NI


Serchhip, 18th March, 2014: Vawiin chawhma dar 11:00 khan IGNOU DIET Serchhip chuan an Study Centre hnuaia D.EL.Ed ( Diploma in Elementary Education) zirlaite lawmluhna ( induction meeting ) hun DIET Conference hall, Serchhip Chanmari Veng ah an hmang.

He hun hi Dr SR Zonunthara, Regional Director chuan hmanpuiin IGNOU kalphung inhrilhfiahna leh zirlai tharte IGNOU a lawmluhna hun a hmang a, zirlaite chu an thil zirah theih tawp chhuah a, an zirlai a rilru zawng zawng pe tur a chah in, hlawhtling taka an zir chhuahtheih nan duhsakna a hlan bawk.

Vawiin a Induction Meeting ah hian zirlai 100 lawmluh an ni a, D.EL.Ed hi kum hnih chhunga zir tura duan niin Serchhip, bakah Lunglei, Tlabung atangte in zirlai an kalkhawm a ni.

DIET Serchhip ah hian kum 2008 November atang khan IGNOU Programme Study Centre hi hawn ni in, tun dinhmun ah hian Diploma leh Certificate course hrang hrang zir theih a ni a. Diploma in Primary Education (DPE) ah zirlai 33 laiin zir zo tawhin trained teacher dinhmunah an din phah tawh a, DIET Serchhip a IGNOU zirlai zing ami Pi H Lallianmawii chuan kum 2013 khan IGNOU hnuai DPE zirlai bik ah University a ti tha ber “Gold Medalist” a lo ni tawh a ni. Vawiin a course hawn thar D.El.Ed hi tunhma a DPE tihtawp tak thlak tu niin, Mizoram Sorkar leh IGNOU, New Delhi te’n inremna an siam ang a zirtirtu la trained loh ten ODL (Open Distance Learning) mode a an trained na tur a ni.

Vawiin Induction Meeting hi R Lalrinawma, Coordinator , Lecturer DIET, Serchhip chuan kaihruaiin, D.El.Ed kalpui dan tur leh an zir tur a sawifiah a ni.

Source: DIPR, Serchhip